| e-texts navigator |
| Wylie |
130b1 ཆེན་པོ། སངས་རྒྱས་ཀྱི་ལྟ་བ་གསུང་དུ་གསོལ། ཞེས་ཞུས་སོ།། དེ་ནས་སངས་རྒྱས་འོད་ཀྱི་ཕུང་པོས་བཀའ་སྩལ་པ། སངས་རྒྱས་ཀྱི་ལྟ་བ་ནི་འོད་ཀྱི་ཕུང་པོ་ལ་བལྟའོ།། སངས་རྒྱས་ལྟ་བ་རྣམ་གསུམ་ནི། ཆོས་སྐུ་ལ
130b2 ལྟ་བའི་ལྟ་བ་དང་། ཡེ་ཤེས་ལ་ལྟ་བའི་ལྟ་བ་དང་། དག་སྣང་ལ་བལྟ་བའི་ལྟ་བ་དང་གསུམ་མོ།། ཆོས་སྐུ་ལ་བལྟ་བའི་ལྟ་བ་ནི། རང་གི་ཤེས་པ་རང་སོ་ལ་གནས་པའི་དུས་ན་ཆོས་སྐུ་ཡིན་ནོ།། རྡོ་རྗེ་སེམས་དཔའི་མེ
130b3 ལོང་ལ་རང་གི་མིག་འཇུག་ནས་བལྟས་པས། སངས་རྒྱས་ཀྱི་ཞིང་ཁམས་འོད་ཁ་དོག་ཕྲ་ལ་དྲངས་པ་གསལ་ལ་འཚེར་བ། རང་བཞིན་བཀྲག་པ། ཉམ་ང་བ་མེད་པར་འཚེ་བར་མདོག་གསུམ་དུ་འཆར་བ་དེ། སངས
130b4 རྒྱས་ཀྱི་ཞིང་ཁམས་ལ་བལྟ་བའི་ལྟ་བ་ཡིན་ནོ།། ཞེས་གསུངས་སོ།། དེ་ནས་ཡང་གསང་བའི་བདག་པོས་འདི་སྐད་ཅེས་ཞུས་སོ།། ཀྱེ་སངས་རྒྱས་འོད་ཀྱི་ཕུང་པོ། སངས་རྒྱས་ཀྱི་ཡོན་ཏན་གསུམ་གསུང་དུ་གསོལ།
130b5 ཅེས་ཞུས་སོ།། དེ་ནས་སངས་རྒྱས་འོད་ཀྱི་ཕུང་པོ་ཆེན་པོས་བཀའ་སྩལ་པ། སངས་རྒྱས་མིག་ནས་འཐོན་ནས། འཁོར་བ་རུ་ལོག་ནས་ཡུལ་ཡེ་ཤེས་སུ་འཆར་བ་དེ། རང་གི་རིག་པ་འོད་ཀྱི་ཕུང་པོར་བཞུགས་པའི
130b6 ཡོན་ཏན་ཡིན་ནོ།། རང་འོད་ངོ་ཤེས་ན་སྒོམ་སྒྲུབ་མི་དགོས་པར་སངས་རྒྱ་བ་དེ། སངས་རྒྱས་ཀྱི་ཆོས་སྐུ་འདུས་མ་བྱས་སུ་བཞུགས་པའི་ཡོན་ཏན་ཡིན་ནོ།། རང་གི་རིག་པ་རང་ངོ་ཤེས་ན་ལས་དགེ་སྡིག་གིས་མི་སྒྲིབ
iiif viewer powered by OpenSeadragon
