| e-texts navigator |
| Wylie |
130a1 ཟང་ཐལ་རང་གི་མིག་གི་དཀྱིལ་ན་བཞུགས་སོ།། སངས་རྒྱས་ཁྲོ་བོའི་སྐུ་རང་གི་ཀླད་པའི་དཀྱིལ་ན་བཞུགས་སོ།། ཞེས་གསུངས་སོ།། དེ་ནས་སངས་རྒྱས་འོད་ཀྱི་ཕུང་པོས་འདི་སྐད་ཅེས་གསུངས
130a2 སོ།། ཀྱེ་གསང་བའི་བདག་པོ་རང་གི་སྙིང་གི་དཀྱིལ་ན་སངས་རྒྱས་འོད་ཀྱི་ཕུང་པོ་ཆེན་པོར་བཞུགས་སོ།། སངས་རྒྱས་བརྟེན་པ་རང་གི་ལུས་ལ་བརྟེན་ནོ།། བཞུགས་པ་རང་གི་སྙིང་གི་དཀྱིལ་ན་བཞུགས
130a3 སོ།། གསལ་བ་རང་གི་མིག་ན་ཕར་གསལ་ལོ།། རང་གི་ཀླད་པའི་དཀྱིལ་ན་སངས་རྒྱས་ཁྲོ་བོའི་ལྷ་ཐམས་ཅད་བཞུགས་སོ།། དེ་ནས་ཡང་གསང་བའི་བདག་པོས་འདི་སྐད་ཅེས་ཞུས་སོ།། ཀྱེ་སངས་རྒྱས་འོད་ཀྱི་ཕུང
130a4 པོ་ཆེན་པོ། སངས་རྒྱས་ཀྱི་རང་ལུས་གསུང་དུ་གསོལ། ཞེས་ཞུས་སོ།། དེ་ནས་འོད་ཀྱི་ཕུང་པོ་ཆེན་པོས་བཀའ་སྩལ་པ། ཀྱེ་གསང་བའི་བདག་པོ་སངས་རྒྱས་ཀྱི་ལུས་འོད་ལྔའི་ཕུང་པོར་ཡོད་དོ།། འོད་ཁ་དོག་ལྔ་ཕྲ
130a5 ལ་དངས་པ་གསལ་ལ་འཚེར་བ་རང་བཞིན་བཀྲག་ལ་ཉམ་ང་བ། མེ་རེ་རེ་ཡོད་དོ།། རང་གི་རིག་པ་འོད་ཀྱི་ཕུང་པོར་བཞུགས་པ་འདི་སངས་རྒྱས་ཡིན་ནོ།། སངས་རྒྱས་ཀྱི་ལུས་འོད་ཀྱི་ཕུང་པོར་ཤེས་པར
130a6 བྱའོ།། སངས་རྒྱས་ཀྱི་ལུས་འོད་ཀྱི་ཕུང་པོར་མེད་ན། སྣང་གསལ་གྱི་མཐའ་འགགས། མུ་སྟེགས་ཆོད་པའི་ལྟ་བ་དང་ཁྱད་མེད། དེ་ནས་གསང་བའི་བདག་པོས་འདི་སྐད་ཅེས་ཞུས་སོ།། ཀྱེ་སངས་རྒྱས་འོད་ཀྱི་ཕུང་པོ
iiif viewer powered by OpenSeadragon
