| e-texts navigator |
| Wylie |
129a1 ཁང་ཁྱིམ་དུ་མཐོང་། ཡི་དྭགས་ཀྱིས་རྣག་ཁྲག་ཏུ་མཐོང་། མིས་ཆུ་རུ་མཐོང་སྟེ། དེས་ན་ངེས་པ་མེད་དོ།། དེས་ན་སྣང་བ་འདི་རང་གི་སེམས་ཀྱི་འཁྲུལ་སྣང་ངོ་།། སེམས་རང་བྱུང་ཡེ་ཤེས་སྟོང་གསལ་དུ
129a2 སྣང་བའོ།། ཞེས་གསུངས་སོ།། རྒྱུད་ཕྱི་མ་ལས་ལེའུ་སྟེ་གཉིས་པའོ།། །། དེ་ནས་ཡང་བཀའ་སྩལ་པ། སྣང་བ་ཡེ་ནས་མེད་རང་བཞིན་དུ་སྣང་བ་ཡིན་ཏེ། མིན་པ་ལ་ཡིན་པར་གཟུང་བས་འཁྲུལ་ཏེ། ང་བདག་ཏུ
129a3 གཟུང་ནས་དེ་ལས་ཉོན་མོངས་པ་འབྱུང་སྟེ། དེས་འཁོར་བར་འཁྱམས་པ་ཡིན་ཏེ། རིག་པ་སྟོང་གསལ་རྟོགས་པས། ནང་ཉམས་ཕྱིར་ཤར་བས་སྣང་བ་ལ་འཁྲུལ་སྣང་དུ་མཐོང་བའོ།། ན་བུན་ལྟ་བུར་བུན་ནེ་ལང་ངེ
129a4 མཐོང་ཙམ་ན། ཉོན་མོངས་པ་ལས་ལོག་ནས། ཤིན་ཏུ་ཆོས་ཉིད་དམ་པར་འགྱུར་ཏེ། རྣལ་འབྱོར་གྱི་དབང་ཕྱུག་དམ་པའོ།། ཞེས་གསུངས་སོ།། རྒྱུད་ཕྱི་མ་ལས་ལེའུ་སྟེ་གསུམ་པའོ།། །། དེ་ནས་དཔལ་ཀུན་ཏུ
129a5 ཟང་པོས་བཀའ་སྩལ་པ། དེ་ལྟར་རྡོ་རྗེ་སེམས་དཔས་དེ་ཡི་དོན་རྣམས་སུ་བླང་ཞིང་། བླ་མེད་ཡེ་ཤེས་གསལ་བའི་རྒྱུད་འདི་གཟུང་བར་བྱའོ།། ཞེས་བཀའ་སྩལ་པས་འཁོར་རྣམས་ཐམས་ཅད་ཡི་རང་བར་གྱུར
129a6 ཏོ།། ཞེས་གསུངས་སོ།། རྫོགས་པ་ཆེན་པོ་ཀུན་ཏུ་བཟང་པོ་ཡེ་ཤེས་གསལ་བར་སྟོན་པའི་རྒྱུད་ཕྱི་མ་ལས་ལེའུ་སྟེ་བཞི་པ་རྫོགས་སོ།། །། རྒྱ་གར་གྱི་མཁན་པོ་གུ་རུ་ཤྲཱི་སིདྷ་དང་། ལོཙྪ་བ་རྡོ་རྗེ་ཡང་དབང་གཏེར
iiif viewer powered by OpenSeadragon
