| e-texts navigator |
| Wylie |
128a1 པའོ།། རྡོ་རྗེ་སློབ་དཔོན་ལ་གཟུང་བ་ནི། སྤྱི་བོར་བླ་མ་བསམ་ལ་དེ་ལ་གཟུང་ངོ་།། དྲག་རླུང་ལ་གཟུང་བ་ནི། ཤེས་པ་འགྲང་ལྡོག་བྱས་ལ་གཟུང་ངོ་།། ནམ་མཁའ་ལ་གཟུང་བ་ནི། མདུན་གྱི་ནམ
128a2 མཁའ་ལ་ཤེས་པ་གཏད་ལ་ཁབ་མིག་ཏུ་སྐུད་པ་འཛུད་པའམ། གཞུ་བདུངས་པ་ལྟ་བུ་དྲན་པ་ཧུར་བྱས་ལ་གཟུང་བའོ།། དེ་རྣམས་མ་ཡེངས་པར་བྱས་ལ་གཟུང་བར་བྱེད་པའོ།། ཞེས་གསུངས་སོ།། རྒྱུད་ཕྱི་མའི་ཕྱི་མ
128a3 ལས་ལེའུ་སྟེ་དང་པོའོ།། །། དེ་ནས་ཡང་བཀའ་སྩལ་པ། དེ་ནས་ལོག་ནོན་བསྟན་པ་ནི། སེམས་གཟུང་བ་ལ་རླུང་སྐྱེས་ན། ཤེས་པ་རྒོད་སྐྲ་ཟིང་པོར་འོང་། གཉིད་མི་ཕེབས་སོ།། དེ་ལ་བསྐུ་མཉེ་བྱ། ཟས
128a4 བཅུད་ཅན་བསྟེན་ནོ།། མཁྲིས་པ་སྐྱེས་ནས་སེར་པོར་མཐོང་བ་ལ་སོགས་བྱུང་ན་བསིལ་གཏང་ངོ་།། བད་ཀན་སྐྱེས་ནས་སྡེ་བ་དང་། འཁྲོག་པ་དང་། དང་ག་མི་བདེ་བ་བྱུང་ན། བཅག་ཁམས་བསང་ངོ་།། ཞེས
128a5 གསུངས་སོ།། རྒྱུད་ཕྱི་མའི་ཕྱི་མ་ལས་ལེའུ་སྟེ་གཉིས་པའོ།། །། དེ་ནས་ཡང་བཀའ་སྩལ་པ་ནི། དེ་ལྟར་སེམས་ཟིན་ནས་རིག་པ་སྟོང་གསལ་དུ་ཤེས་པ་ལྟ་བའོ།། དེའི་ངང་དུ་གསལ་བ་སྒོམ་པའོ།། དེ་ལས་མ
128a6 ཡེངས་པར་སྤྱོད་པའོ།། དེ་འཆི་བའི་དུས་སུ་དྲན་པ་དང་སྐྱེ་བ་བསྐྱེད་དེ་གདམས་ངག་གིས་འཕོ་བར་བྱའོ།། དེ་ལས་འབྲས་བུ་སྐུ་གསུམ་ཡེ་ཤེས་ལྔའོ།། ཞེས་གསུངས་སོ།། རྒྱུད་ཕྱི་མའི་ཕྱི་མ་ལས་ལེའུ་སྟེ་གསུམ
iiif viewer powered by OpenSeadragon
