| e-texts navigator |
| Wylie |
127b1 བ་དང་། འཁོར་ལོ་ལ་གཟུང་བ་དང་། ཡིག་འབྲུ་ལ་གཟུང་བ་དང་། འགྲོ་བ་བཟང་མོ་ཤེས་རབ་མ་ལ་གཟུང་བ་དང་། རྡོ་རྗེ་སློབ་དཔོན་ལ་གཟུང་བ་དང་། དྲག་རླུང་ལ་གཟུང་བ་དང་། ནམ་མཁའ་ལ་གཟུང
127b2 བའོ།། དེ་ལ་ཐོ་ལ་གཟུང་བ་ནི། ཐོ་བཙུགས་ལ་དེ་ལ་མིག་ཕྱིར་འཕྲེང་ལ། དེ་ལ་ཤེས་པ་གཏད་ལ་ཐུན་གསུམ་མམ་ལྔའམ་བདུན་ལ་སོགས་པ་བསྒོམ་མོ།། རི་མོ་ལ་སེམས་གཟུང་བ་ནི། རི་མོའི་ནང་དུ་ཤེས་པ
127b3 བསྐྱིལ་ལ་བཟུང་ངོ་།། འཇམ་རླུང་ལ་གཟུང་བ་ནི། སྟེང་རླུང་མནན། འོག་རླུང་བསྡམས་པར་རླུང་རང་སར་བཞག་ལ་དབུགས་པར་འགྲོ་ཚུར་འགྲོ་ཨ་ཧཾ་ལ་གཏད་ལ་གཟུང་བའོ།། ཐིག་ལེ་ལ་གཟུང་བ་ནི། སྨིན་ཕྲག
127b4 ཏུ་ཐིག་ལེ་སེར་ཡེར་རེ་བའམ། སྣ་རྩེར་བསམས་པ་ལ་གཟུང་བའོ།། གདུགས་ལ་གཟུང་བ་ནི། འོག་ཏུ་རྒྱ་གདུགས་བསམ། སྟེང་དུ་རང་ཉིད་བསམས་ལ། གདུགས་དེ་འཁོར་བ་ལ་ཤེས་པ་གཟུང་ངོ་།། འཁོར་ལོ་ལ
127b5 གཟུང་བ་ནི། ནན་ཏན་མ་ཟིན་ན་བླ་མས་ཤོག་བུའི་གདུགས་བྱས་ལ་དེ་བསྐོར་སྣ་རུ་སྤོས་དུད་གཏང་། རྣ་བར་དྲིལ་བུ་གསིལ་ལ་གཟུང་ངོ་།། ཡིག་འབྲུ་ལ་གཟུང་བ་ནི། སེམས་ཀྱི་གནས་གཞི་རུ། ཧཱུཾ་ངམ་ཨ་ལྟ་བུའི
127b6 ཡི་གེ་ལ་མ་ཡེངས་པར་གཏད་ལ་གཟུང་ངོ་།། འགྲོ་བ་བཟང་མོ་ཤེས་རབ་མ་ལ་གཟུང་བ་ནི། ཡབ་ཡུམ་མཁའ་གསང་བརླབ་པར་བྱས་ལ། དབང་པོ་གཉིས་སྤྲད་དེ་བྱང་ཆུབ་སེམས་རྡོ་རྗེའི་སྐེད་པར་སླེབ་པ་ལ་གཟུང
iiif viewer powered by OpenSeadragon
