| e-texts navigator |
| Wylie |
127a1 པ་དང་། འཁོར་རྣམས་ཡི་རངས་ཏེ། སྟོང་གསལ་ཆེན་པོའི་ངང་དུ་སངས་རྒྱས་པར་གྱུར་ཏོ།། རྒྱུད་ཕྱི་མའི་ཕྱི་མ་ལས་ལེའུ་སྟེ་བཞི་པའོ།། །། རྫོགས་པ་ཆེན་པོ་ཀུན་ཏུ་བཟང་པོ་ཡེ་ཤེས་གསལ
127a2 བར་སྟོན་པའི་རྒྱུད་ཕྱི་མའི་ཕྱི་མ་ཞེས་བྱ་བ་རྫོགས་སོ།། །། རྒྱ་གར་གྱི་སློབ་དཔོན་ཤྲཱི་སིདྷ་པྲ་བྷཱ་ཏཱ་དང་། བོད་ཀྱི་ལོ་ཙཱ་བ་གནུབས་ཡང་དབང་གཏེར་གྱིས་བསྒྱུར་ཅིང་ཞུས་ཏེ་གཏན་ལ་ཕབ
127a3 པའོ།། །། རྒྱུད་འདི་ཡང་དབེན་དུ་མ་ཧཱ་ཀ་ལ་བཀའ་བསྲུང་གཏད་དེ། སྦས་ནས་ཡོན་ཏན་རྒྱ་མཚོ་སྐྱེ་བ་བདུན་པ་གཅིག་དང་འཕྲད་དེ། བསྟན་པའི་སྙིང་པོ་འཇུག་པར་གྱུར་ཅིག།།
127a4 རྒྱ་གར་སྐད་དུ། སེནྟི་མ་ཧཱ་ས་མནྟ་བྷ་དྲ་ཛྙཱ་ན་པ་ཏི་གུ་ཧྱ་ནཱ་མ་ཏནྟྲ། བོད་སྐད་དུ། རྫོགས་པ་ཆེན་པོ་ཀུན་ཏུ་བཟང་པོ་ཡེ་ཤེས་གསལ་བར་སྟོན་པའི་རྒྱུད་ཕྱི་མའི་ཕྱི་མ་ཞེས་བྱ་བ། བཅོམ་ལྡན་འདས་རྡོ
127a5 འཆང་སངས་རྒྱས་ཀུན་ཏུ་བཟང་པོ་ལ་ཕྱག་འཚལ་ལོ།། དེ་ནས་དཔལ་ཀུན་ཏུ་བཟང་པོས་རིགས་ལྔའི་སངས་རྒྱས་ལ་བཀའ་སྩལ་པ། རིག་པ་སྟོང་གསལ་གྱི་དོན་ཉམས་སུ་ལེན་པ་ནི། དང་པོ་སེམས་གཟུང
127a6 དགོས་པས། སེམས་གཟུང་བ་ལ་འདི་ལྟ་སྟེ། ཉོན་ཅིག་རྡོ་རྗེ་སེམས་དཔའ་སོགས། ཐོ་ལ་གཟུང་བ་དང་། རི་མོ་ལ་གཟུང་བ་དང་། འཇམ་པོའི་རླུང་ལ་གཟུང་བ་དང་། ཐིག་ལེ་ལ་གཟུང་བ་དང་། གདུགས་ལ་གཟུང
iiif viewer powered by OpenSeadragon
