| e-texts navigator |
| Wylie |
126b1 བའི་ཕྱིར།། སྐྱོན་རྣམས་བཅོས་པ་འདི་ལྟར་བྱ།། རླུང་སྐྱེས་པར་ནི་གྱུར་པ་ལ།། ཤེས་པ་རྒོད་ཅིང་གཉིད་མི་ཕེབས།། དེ་ལ་བསྐུ་མཉེ་བཅུད་ཅན་བརྟེན།། མཁྲིས་པ་བསྐྱེས་པར་གྱུར་པ་ན།། སེར་པོ་དམར་པོར་སྣང་བ
126b2 དང་།། བད་ཀན་སྐྱེས་ན་སྤོ་འཁྲོག་བྱེད།། དེ་དག་མི་བདེ་གྱུར་པ་ན། ཁ་ཟས་བསིལ་བཏང་བཅོས་པར་བྱ།། སེམས་འཛིན་པ་ཡི་དུས་ཉིད་དུ།། གཡེང་བ་འབྲེལ་བསྐྱུངས་ཐག་བཅད་ལ།། བདེ་བའི་སྟན་ལ་འདུག
126b3 ནས་ནི།། དྲག་ཏུ་མ་ཡེངས་གཟུང་བར་བྱ།། སེམས་མ་ཟིན་པའི་བར་དུ་ཡང་།། མཚན་མ་ཁ་ཐོན་སེམས་འཛིན་དང་།། སེམས་ལས་རྒྱུ་འགྲུལ་བཅད་དེ་སྤངས།། དེ་ནས་སེམས་འཛིན་བརྟན་པ་དང་།། རིག་པ་སྟོང
126b4 གསལ་ལྟ་བ་སྟེ།། དེ་ཡི་ངང་ལ་བསྒོམ་པར་བྱ།། དེ་ལས་འབྲས་བུ་སྐུ་དང་ནི།། ཡེ་ཤེས་དག་ཏུ་སྣང་བ་སྟེ།། རང་དོན་ཆོས་སྐུར་ནོར་སོང་ནས།། འགྲོ་དོན་གཟུགས་སྐུ་གཉིས་ཀྱིས་བྱེད།། དེ་ནི་ལམ་དུ་བསླང་བའི
126b5 དོན།། ཞེས་གསུངས་སོ།། རྒྱུད་ཕྱི་མའི་ཕྱི་མ་ལས་ལེའུ་སྟེ་གསུམ་པའོ།། །། དེ་ནས་དཔལ་ཀུན་ཏུ་བཟང་པོ་ཆོས་ཀྱི་སྒྲ་དེས། རྡོ་རྗེ་སེམས་དཔའ་ལ་སོགས་པའི་འཁོར་རྣམས་ལ་བཀའ་སྩལ་པ། རྒྱུད་འདི་ནི
126b6 མ་ཚང་བ་ཁ་སྐོང་བ་ཕྱི་མའི་ཕྱི་མ་ཞེས་བྱ་བ་ཡིན་ཏེ། འཁོར་བ་ཐམས་ཅད་མྱང་འདས་ལས་བསྒྲལ་ཞིང་སྐུ་དང་ཡེ་ཤེས་སུ་ལ་བཟླ་བའི་ཕྱིར་ཤིན་ཏུ་གཅེས་སྒྲས་ཀྱིས་གཟུང་ཞིང་བཅང་པར་བྱའོ།། ཞེས་བཀའ་སྩལ
iiif viewer powered by OpenSeadragon
