| e-texts navigator |
| Wylie |
126a1 པོའོ།། །། དེ་ནས་གཞན་ཡང་བཀའ་སྩལ་པ།། དང་པོ་མཐོ་ལ་གཟུང་བ་ནི།། མདུན་དུ་རྩིག་པ་ལ་གཏད་དེ་གཟུང་། རི་མོ་དག་ལ་གཟུང་བ་ནི།། རི་མོའི་ནང་དུ་གཟུང་བར་བྱ།། འཇམ་རླུང
126a2 དག་ལ་གཟུང་བ་ནི།། སྟེང་འོག་པར་རླུང་རང་སར་གཟུང་།། ཐིག་ལེ་དག་ལ་གཟུང་བ་ནི།། སྨིན་མཚམས་དག་གམ་སྣ་རྩེ་རུ།། ཐིག་ལེ་དག་ལ་གཏད་ལ་གཟུང་།། དེ་བཞིན་གཟུགས་ལ་གཟུང་བ་ནི།། རྒྱ་གདུགས
126a3 སྟེང་ན་བདག་ཉིད་འདུག། དེ་ཉིད་འཁོར་བ་དག་ལ་གཟུང་།། འཁོར་ལོ་དག་ལ་གཟུང་བ་ནི།། ཤོག་བུའི་འཁོར་ལོ་བླ་མས་གཟུང་།། སྣ་རུ་བདུག་པ་རྣ་བར་སྒྲ།། མ་ཡེངས་གཏད་ལ་གཟུང་བར་བྱ།། ཡིག་འབྲུ་དག
126a4 ལ་གཟུང་བ་ནི།། སེམས་ཀྱི་གནས་ས་གཞི་རུ་ཡང་།། ཨ་སོགས་ཡིག་འབྲུ་དག་ལ་གཟུང་།། ཤེས་རབ་མ་ལ་གཟུང་བ་ནི།། མཁའ་གསང་བརླབ་ཅིང་དབང་པོ་སྤྲད།། ཐིག་ལེ་གཉིས་ཤོར་གཉིས་ལ་གཟུང་།། སློབ
126a5 དཔོན་དག་ལ་གཟུང་བ་ནི།། སྒྲི་བོའི་གཙུག་ཏུ་བསམ་ལ་གཟུང་།། དྲག་རླུང་དག་ལ་གཟུང་བ་ནི།། ཤེས་པའི་འགྲེང་ལྡོག་བྱས་ལ་གཟུང་།། ནམ་མཁའ་དག་ལ་གཟུང་བ་ནི། ཁྲུ་གང་དཔངས་ལ་གཏད་དེ
126a6 གཟུང་།། ཞེས་གསུངས་སོ།། རྒྱུད་ཕྱི་མའི་ཕྱི་མ་ལས་ལེའུ་སྟེ་གཉིས་པའོ།། །། དེ་ནས་ཡང་ནི་བཀའ་སྩལ་པ།། ཉོན་ཅིག་རྡོ་རྗེ་སེམས་དཔའ་རྣམས།། སེམས་འཛིན་པ་ཡི་དུས་ཉིད་དུ།། ཡོན་ཏན་སྐྱོན་དུ་སྣང
iiif viewer powered by OpenSeadragon
