| e-texts navigator |
| Wylie |
125b1 དེས་སྲས་ཡེ་ཤེས་སེང་གེ་ལ་གཏད། དེས་རྡོག་སྟོན་འོད་འབར་ལ་གཏད། དེས་རོང་པ་གནུབས་ཆུང་བ་དང་། ཉང་བན་རིན་ཆེན་གཙུག་ཏོར་ལ་གཏད་པའོ།། @#།། རྒྱ་གར་སྐད་དུ། སནྣི་མ་ཧཱ་ས་མནྟ་བྷ་དྲ
125b2 ཙི་ཏ་གུ་ཧྱ་ནཱ་མ་ཏནྟྲ། བོད་སྐད་དུ། རྫོགས་པ་ཆེན་པོ་ཀུན་ཏུ་བཟང་པོ་ཡེ་ཤེས་གསལ་བར་སྟོན་པའི་རྒྱུད་ཕྱི་མའི་ཕྱི་མ་ཞེས་བྱ་བ། བཅོམ་ལྡན་འདས་རྡོ་རྗེ་འཆང་སངས་རྒྱས་ཀུན་ཏུ་བཟང་པོ་ལ་ཕྱག་འཚལ་ལོ།། དེ
125b3 ནས་བཅོམ་ལྡན་འདས་དཔལ་ཀུན་ཏུ་བཟང་པོས་སྟོང་གསལ་ཆེན་པོའི་ཏིང་ངེ་འཛིན་ལ་ཞུགས་ནས། རྡོ་རྗེ་སེམས་དཔའ་ལ་སོགས་པའི་འཁོར་རྣམས་ལ་བཀའ་སྩལ་པ། ཀྱེ་མ་ཧོ།། ཉོན་ཅིག་རྡོ་རྗེ་འཛིན་ཚོགས
125b4 རྣམས།། རིག་པ་སྟོང་གསལ་རྟོགས་འདོད་ན།། དང་པོ་སེམས་ཉིད་གཟུང་བ་དང་།། དེ་ནས་ལམ་དུ་བླང་བར་བྱ།། ཞེས་བཀའ་སྩལ་ཏོ།། དེ་ནས་རྡོ་རྗེ་སེམས་དཔས་གསོལ་པ།། ཀྱེ་ཀྱེ་བཅོམ་ལྡན་རྡོ་རྗེ
125b5 འཆང་།། རིག་པ་སྟོང་གསལ་རྟོགས་པ་ཡི།། སེམས་གཟུང་ལམ་དུ་བླང་བ་ནི།། དེ་དོན་རིམ་པ་ཇི་ལྟར་ལགས།། དེ་སྐད་གསོལ་བའི་ཚིག་གསན་ནས།། རྡོ་རྗེ་འཆང་གིས་བཀའ་སྩལ་པ།། སེམས་གཟུང་རིམ་པ་འདི
125b6 ལྟ་སྟེ།། མཐོ་དང་རི་མོ་འཇམ་རླུང་དང་།། ཐིག་ལེ་གདུགས་དང་འཁོར་ལོ་དང་།། ཡིག་འབྲུ་དང་ནི་ཤེས་རབ་མ།། སློབ་དཔོན་དྲག་ཤུལ་ནམ་མཁའོ།། ཞེས་གསུངས་སོ།། རྒྱུད་ཕྱི་མའི་ཕྱི་མ་ལས་ལེའུ་སྟེ་དང
iiif viewer powered by OpenSeadragon
