| e-texts navigator |
| Wylie |
125a1 ན།། གསང་སྔགས་རྣལ་འབྱོར་ཁས་འཆེས་ཏེ།། ངེས་དོན་ཉམས་སུ་ལེན་པ་དཀོན།། དོན་མེད་ཆོས་སྤྱོད་མི་དགོས་ཟེར།། བསོད་ནམས་འདོད་ཕྱིར་ཆོས་འཆད་འབྱུང་།། དེ་ཡང་འདུས་པའི་སྙིང་པོ
125a2 ཉོན།། གང་ཞིག་རྣལ་འབྱོར་ལས་ཅན་ཆོས།། གཞུང་འདི་དོན་ལས་མི་འདའ་བར།། དཀའ་དགུ་བསྔོས་ནས་འདི་ཚོལ་བ།། དེ་ཚེ་དོན་དུ་རྒྱུད་འདི་ནི།། སྦས་སྐྱིབས་མི་བྱ་ལྷུག་པར་བསྟན།། དེ་ཡང་རྡོ་རྗེ་སེམས
125a3 དཔའ་ཉོན།། སྣོད་ལྡན་མ་འཕྲད་དུས་ཉེ་ན།། ཆོས་སྐྱོང་ཡོད་པའི་ལྷ་ཁང་ངམ།། ལྷ་འདྲེ་ཡོད་པའི་བྲག་དཀྱིལ་དུ།། སྨོན་ལམ་བཏབ་ལ་སྦས་ལ་བཞག། རྫོགས་པ་ཆེན་པོ་རྨད་བྱུང་དོན་གྱི་སྙིང་པོ་རང་བྱུང་བདེ
125a4 བའི་འཁོར་ལོའི་རྒྱུད་ལས། རྒྱུད་གཏད་པའི་ལེའུ་སྟེ་ཉེར་བདུན་པའོ།། །། རྫོགས་པ་ཆེན་པོ་རྨད་བྱུང་དོན་གྱི་སྙིང་པོ་རང་བྱུང་བདེ་བའི་འཁོར་ལོའི་རྒྱུད་གསེར་གྱི་དྲིལ་ཤིང་ཅན་ཞེས་བྱ་བ་རྫོགས
125a5 སོ།། །། རྒྱ་གར་གྱི་མཁན་པོ་བི་མ་ལ་མི་ཏྲ་དང་། བོད་ཀྱི་ལོ་ཙཱ་བ་གཉགས་ཛྙཱ་ན་ཀུ་མཱ་རས་བསྒྱུར་ཅིང་ཞུས་ཏེ་གཏན་ལ་ཕབ་པའོ།། །། ཉང་ཏིང་འཛིན་བཟང་པོ་ལ་བཤད། དེས་གཏེར་དུ་མན
125a6 ངག་དང་བཅས་པ་བཅུག། མགོན་པོ་ནག་པོ་དང་རྡོ་རྗེ་ལེགས་པ་དང་། རྡོ་རྗེ་རྒྱན་གཅིག་མ་ལ་གཏད། དབུ་རུ་བཟང་ཕུག་མོའི་བྲག་ལ་སྦས། འབྲོམ་ཡེ་ཤེས་སྙིང་པོས་བཏོན་ནས། སྲས་དབང་ཕྱུག་རྒྱ་མཚོ་ལ་བཤད།
iiif viewer powered by OpenSeadragon
