| e-texts navigator |
| Wylie |
124b1 སྙིང་པོ་ཉོན།། མ་རྟོགས་དབང་གིས་སྤྱོད་རྩིངས་པ།། ལུས་ངག་ཅན་གྱི་ལམ་པའི་ཕྱིར།། ལས་ངན་དགུ་པོ་གང་སྤྱད་ཀྱང་།། དམྱལ་བར་ངེས་འགྲོ་གཏན་དུ་འཁྱམས།། རྫོགས་པ་ཆེན་པོའི་རྨད་བྱུང་དོན་གྱི་སྙིང
124b2 པོ་རང་བྱུང་བདེ་བའི་འཁོར་ལོའི་རྒྱུད་ལས། མ་རྟོགས་ལྟུང་བའི་སྒོར་བསྟན་པའི་ལེའུ་སྟེ་ཉེར་དྲུག་པའོ།། །། དེ་ནས་འདུས་པའི་འཁོར་རྣམས་ལ།། ཀུན་རིག་རྒྱལ་པོས་བཀའ་སྩལ་པ།། ཐེག་པའི་རྒྱལ
124b3 པོ་ལྷུན་རྫོགས་འདི།། དད་ལྡན་འཁོར་རྣམས་ཁྱེད་ཀྱིས་ཀྱང་།། རྒྱུད་འདི་ཡིད་ལ་བཅང་བར་གྱིས།། དེ་ཡང་རྡོ་རྗེ་སེམས་དཔའ་ཉོན།། སྣོད་དང་མི་ལྡན་སྐལ་ངན་ནི།། ཚུལ་འཆོས་བྱེད་ཅིང་བླ་མ་སྨོད།། ནོར
124b4 ཕངས་ཆོས་འདོད་ཐབས་ཀྱིས་འབྲུ།། དེ་ལྟའི་སྣོད་ངན་གང་ཟག་རྣམས།། ཡེ་ཤེས་ལྟ་བ་རྒྱུད་ཆེན་འདི།། ནམ་ཡང་བསྟན་པར་མ་གསུངས་སོ།། དེ་ཡང་རྡོ་རྗེ་སེམས་དཔའ་ཉོན།། གཞུང་བཞིན་མ་བྱས་ངེས་དོན
124b5 ཆོས།། ནོར་འདོད་ཕྱིར་དུ་འདི་བསྟན་ན།། སངས་རྒྱས་བཀའ་ཆད་འབྱུང་བའི་ཕྱིར།། མཁའ་འགྲོ་ཆོས་སྐྱོང་དགྲར་ལངས་ནས།། སྲིན་པོས་སྲོག་གཅོད་མནར་མེད་ལྟུང་།། ད་ཡང་འདུས་པའི་སྙིང་པོ
124b6 ཉོན།། བསྟན་པ་འཇིག་པའི་དུས་འདི་ན།། རྫོགས་པ་ཆེན་པོའི་བསྟན་པ་འབྱུང་།། སྣོད་ལྡན་རྣམས་ལ་བསྟན་པ་ལས།། དད་མེད་ཀུན་གྱི་སྤྱོད་ཡུལ་མིན།། ཀུན་ཀྱང་ངེས་པ་དེ་ལྟར་ཞོག། ལན་ཅིག་དུས་ཀྱི་དེ་སང
iiif viewer powered by OpenSeadragon
