| e-texts navigator |
| Wylie |
123a1 པ།། རྣལ་འབྱོར་རྟོགས་པའི་གདེང་ལྡན་པས།། ཚེ་ཡི་ཟ་མ་འཆི་ཁའི་དུས།། ས་ཆུ་མེ་རླུང་རིམ་ཐིམ་སྟེ།། དབུགས་བརྩེགས་ཐུམ་ཟུམ་བྱེད་པའི་ཚེ།། འདི་ཡི་སྣང་བ་ནུབ་ཀ་དང་།། ཕྱི་མའི་སྣང་བ
123a2 འཆར་ཀ་རུ།། རྣམ་ཤེས་སྣང་བ་སྐྱེས་པའི་ཚེ།། དུ་བ་སྨིག་རྒྱུ་ལྟ་བུར་མཐོང་།། འབྱུང་བ་དངོས་མེད་ཞིག་པ་སྙམ།། དེ་ཚེ་སྣང་བ་འདི་ནུབ་ནས།། རང་སྣང་མཆེད་པས་སྲིན་བུ་མེ།། བག་ཙམ་གསལ་བའི་དོན་མཐོང
123a3 སྟེ།། སྣང་བ་ཐོབ་པའི་དུས་སུ་ནི།། མར་མེའི་རྩེ་ལྟར་བརྟག་པར་དཀའ།། དེ་ཡང་ཡེ་ཤེས་བརྟན་པའི་དུས།། ནམ་མཐོངས་ཉི་མ་ཤར་བ་ལྟར།། རང་རིག་ཆོས་སྐུ་ཝལ་གྱིས་གསལ།། ཡུལ་མེད་རིག་པ་རང
123a4 བྱུང་ཐུགས།། ས་ཟིན་ངེས་པའི་ཡེ་ཤེས་ཏེ།། སྔར་གོམས་དབང་གིས་སྒྱུར་མེད་དེ།། དཔེར་ན་ཁབ་ལེན་ལྕགས་སྡུད་བཞིན།། རང་རིག་ཆོས་སྐུ་ངོས་ཟིན་པས།། སངས་རྒྱས་ཡོན་ཏན་ཐམས་ཅད་འདུས།། དེ་ཡང་རང
123a5 རིག་ཡེ་ཤེས་ནི།། སང་ངེ་ས་ལ་ལེ་ཡེར་རེ་གསལ།། དེ་ཕྱིར་རང་བྱུང་ཡེ་ཤེས་སྐུ།། ཕྱིས་ནི་བར་དོར་ལུས་མི་ལེན།། ཡུལ་ལ་མི་འཇུག་ཆགས་པ་མེད།། མངལ་དུ་མི་འཇུག་སྐྱེ་ཤི་ཆོད།། སངས་རྒྱས་ཞེས་ནི་དེ་ལ
123a6 བྱ།། དེ་ཡང་འདུས་པའི་སྙིང་པོ་ཉོན།། གཟའ་སྐར་གཟུགས་བརྙན་རྒྱ་མཚོ་བཞིན།། དུས་གཅིག་བྱེ་བ་ཕྲག་བརྒྱ་རུ།། འགྲོ་དོན་གཟུགས་སྐུ་རྣམ་གཉིས་འབྱུང་།། ཅི་རིགས་པ་ཡི་ཆོས་རྣམས་སྟོན།། རང་གི་ངོ་བོ་ཆོས
iiif viewer powered by OpenSeadragon
