| e-texts navigator |
| Wylie |
122b1 མེད་པ་ཆོས་སྐུ་ནི།། ཏིང་འཛིན་རྐྱེན་གྱིས་མི་འགྱུར་ཕྱིར།། ཞེན་མེད་ལྟ་བས་ཟིལ་གྱིས་མནན།། ཞེན་འདོད་ཚུལ་འཆོས་བདུད་བྱུང་ན།། གང་ཡང་མ་བཅོས་དོན་དྲན་པས།། རང་བྱུང་ངེས་སྐུ་གདེང་ལྡན
122b2 ཕྱིར།། རྟོགས་པ་དྲང་པོའི་ཟིལ་གྱིས་མནན།། བདེ་བ་བོགས་འདོད་བདུད་བྱུང་ན།། རང་བྱུང་ཡེ་ཤེས་རྟེན་མེད་ཕྱིར།། དབང་ལ་མི་ལྟོས་འཕེལ་འགྲིབ་མེད།། རྒྱུ་རྐྱེན་འབྱུང་འདོད་ཟིལ་གྱིས་མནན།། གདེང་མེད
122b3 སྐུར་འདེབས་བདུད་བྱུང་ན།། ངེས་དོན་སྒྲོ་སྐུར་བྲལ་བའི་ཕྱིར།། ལུང་ལྡན་ཅན་ལ་གནོད་མི་ནུས།། ལྷ་སྤྱོད་ཁམས་ཀྱིས་ཟིལ་གྱིས་མནན།། ང་རྒྱལ་སྒྲོ་འདོགས་བདུད་བྱུང་ན།། རང་བྱུང་དོན་ལ་སྒྲོ་འདོགས
122b4 བྲལ།། དེ་དོན་ངེས་པའི་གདམས་ངག་འདི།། སྣོད་ངན་སྤངས་ལ་ཟིལ་གྱིས་གནན།། ད་ཡང་འདུས་པའི་འཁོར་རྣམས་ཉོན།། དེ་དག་ཉམས་ཀྱི་བདུད་རྣམས་ཀྱང་།། རྟོགས་ན་རྣལ་འབྱོར་དམ་པའི་ལམ།། དེ་ཕྱིར
122b5 སྒོམ་པ་བརྗོད་མི་བྱ།། དེ་དོན་སངས་རྒྱས་དགོངས་པ་ཡིན།། རྫོགས་པ་ཆེན་པོ་རྨད་བྱུང་དོན་གྱི་སྙིང་པོ་རང་བྱུང་བདེ་བའི་འཁོར་ལོའི་རྒྱུད་ལས། ཉམས་ཀྱི་བདུད་ཟིལ་གྱིས་མནན་པའི་ལེའུ་སྟེ་ཉེར་བཞི
122b6 པའོ།། །། རྡོ་རྗེ་སེམས་དཔས་ཡང་གསོལ་བ།། རང་སེམས་རྟོགས་པས་ཟིལ་མནན་པའི།། འབྲས་བུ་ཐོབ་དུས་སངས་རྒྱས་ནམ།། ཀུན་རིག་སྟོན་པས་བཤད་དུ་གསོལ།། ཞུས་པའི་དོན་གསན་བཀའ་སྩལ
iiif viewer powered by OpenSeadragon
