| e-texts navigator |
| Wylie |
121b1 པས་ཟིལ་གྱིས་མནན།། འཇིགས་པ་གཟུགས་ཀྱི་བདུད་ཞུགས་ན།། གཞི་ལ་སྣང་བ་མེད་པའི་ཕྱིར།། ལྟོས་མེད་རྟོགས་པའི་ཤེས་རབ་ཀྱིས།། གཟུགས་ཅན་མཚན་མ་ཟིལ་གྱིས་མནན།། བསླ་བ་རྫུན་གྱི་བདུད་བྱུང
121b2 ན།། ཆོས་ཉིད་ཚིག་ལས་འདས་པའི་ཕྱིར།། བདེན་པར་འཛིན་པའི་སྐྱོན་བྲལ་བས།། བདེན་པར་འཛིན་མེད་ཟིལ་གྱིས་མནན།། དེ་ཡང་རྡོ་རྗེ་སེམས་དཔའ་ཉོན།། བྱིང་བ་གསལ་བའི་བདུད་བྱུང་ན།། ཉིད་གསུམ
121b3 གཅིག་པའི་མན་ངག་གིས།། གཏི་མུག་ཆོས་སྐུར་རང་ཐིམ་པས།། ཡེ་ནས་ལྟ་བ་ཟིལ་གྱིས་མནན།། རྨུགས་པ་བདེ་བའི་བདུད་བྱུང་ན།། འཕེལ་འགྲིབ་མེད་པའི་དོན་ཤེས་ཕྱིར།། རང་བྱུང་བདེ་བའི་ལྟ་བ་ལ།། མཉམ
121b4 ཉིད་རིག་པས་ཟིལ་གྱིས་མནན།། རྒོད་པ་མི་རྟོག་བདུད་བྱུང་ན།། སྣང་བ་བག་ཆགས་བརྟས་པ་ལ།། རང་རིག་བག་ཆགས་མེད་པའི་ཕྱིར།། སྤང་སྡུད་ཞེན་མེད་ཟིལ་གྱིས་མནན།། འཕྲོ་བ་མི་གཡོའི་བདུད་བྱུང
121b5 ན།། ཡེ་ནས་མི་གཡོའི་རང་བྱུང་ལ།། གོམས་པའི་དབང་གིས་ཏིང་འཛིན་གསལ།། མི་བརྗེད་གཟུངས་ཀྱིས་ཟིལ་གྱིས་མནན།། ད་ཡང་འདུས་པའི་སྙིང་པོ་ཉོན།། ལྷ་སྒོམ་བདུད་ནི་དེ་དག་དང་།། རང་བྱུང་ཆོས་སྐུའི
121b6 དོན་རྟོགས་པས།། གང་བྱུང་ཟིལ་གནོན་རང་བརླག་པས།། འབྲས་བུ་ཡེ་ཤེས་ལྷུན་གྱིས་གྲུབ།། རྫོགས་པ་ཆེན་པོ་རྨད་བྱུང་དོན་གྱི་སྙིང་པོ་རང་བྱུང་བདེ་བའི་འཁོར་ལོའི་རྒྱུད་ལས། ལྷ་སྒོམ་གྱི་བདུད་ཟིལ་གྱིས་མནན
iiif viewer powered by OpenSeadragon
