| e-texts navigator |
| Wylie |
120a1 འཁྲུགས་བདུད་ནི་ཁོང་ཞུགས་ཏེ།། འཁོར་ངན་ཆོག་ཤེས་མེད་པར་འདོད།། དྲིན་དུ་མི་ཚོར་ཕྱར་ཁ་བཏང་།། དེ་ཚེ་དང་ལོག་མི་རྣམས་འཕྱ།། སྒྲོ་སྐུར་འདེབས་ལ་ཞེ་སྡང་འབྱུང་།། འཁོར་ངན་བདུད
120a2 ཀྱིས་རང་བསླུས་ལྟུང་།། ད་ཡང་འདུས་པའི་སྙིང་པོ་ཉོན།། སྤྱོད་པའི་བདུད་ནི་དེ་དག་དང་།། འཇིག་རྟེན་ཆོས་བརྒྱད་ཞེན་ལས་འབྱུང་།། དེ་ཕྱིར་གཡེང་བའི་དོན་དུ་གཉེར།། འཁོར་བ་དང་བླང་རང་བསླུས
120a3 ཕུང་།། རྫོགས་པ་ཆེན་པོ་རྨད་བྱུང་དོན་གྱི་སྙིང་པོ་རང་བྱུང་བདེ་བའི་འཁོར་ལོའི་རྒྱུད་ལས། སྤྱོད་པའི་བདུད་བསྟན་པའི་ལེའུ་སྟེ་ཉི་ཤུ་པའོ།། །། ད་ཡང་འདུས་པའི་འཁོར་རྣམས་ཉོན།། འཇིག་རྟེན་མཁའ་འགྲོ
120a4 ལུང་བསྟན་བདུད།། ཉམས་སུ་མྱོང་བ་ཞེན་པའི་བདུད།། ཞེ་འདོད་ཚུལ་འཆོས་བདུད་དང་ནི།། སྒོམ་ཆགས་བདེ་བ་བོགས་འདོན་བདུད།། གདེང་མེད་སྐུར་བདེ་བས་ཞེ་སྡང་བདུད།། ང་རྒྱལ་སྒྲོ་འདོགས་བདུད་རྣམས
120a5 བྱུང།། ད་ཡང་འདུས་པའི་འཁོར་རྣམས་ཉོན།། རྣལ་འབྱོར་ལྟ་བ་མཉམ་བཞག་ཚེ།། ལྷ་མོའི་ལུས་སུ་མངོན་ཕྱུང་ཚེ།། ཕུགས་སུ་མ་འདུག་འགྲོ་དོན་གྱིས།། གཞན་དོན་བྱེད་པའི་ཡོན་ཏན་བརྗོད།། དེ་ཚེ་མཁའ
120a6 འགྲོའི་བདུད་ཞུགས་ཏེ།། ཏིང་འཛིན་བཏང་ནས་གཞན་དོན་བརྩོན།། ཆོས་སུ་མི་བཏགས་ཅི་ཡང་བྱེད།། དོན་དང་བྲལ་ཕྱིར་བདུད་བསླུས་འགྱུར།། དེ་ཡང་འདུས་པའི་སྙིང་པོ་ཉོན།། རྣལ་འབྱོར་དོན་ལྡན་བསྒོམ་པ
iiif viewer powered by OpenSeadragon
