| e-texts navigator |
| Wylie |
11b1 ཉིན་པར་དག། བྱང་ཤར་མཚམས་སུ་ཁ་བལྟས་ལ།། དཀར་གསུམ་ཀླུ་སྨན་མཆོད་བྱ་ཞིང་།། ཀོང་ཙེ་ཞི་བ་ཆེན་པོར་བསམ།། ཤ་རུལ་ཁྲག་རུལ་སྙིང་ཁྲག་དང་།། ར་མཆིན་དམར་གྱིས་མཆོད་བྱ་ཞིང་།། ཀི་ཀང
11b2 གཏུམ་ཁྲོ་དྲག་པོར་བསྐུལ།། ལས་ཀྱི་བྱེ་བྲག་དེ་དག་ཀྱང་།། བསད་པའི་ལས་དག་མི་བརྩོན་ན།། དཀར་གསུམ་མངར་གྱི་མཆོད་བྱ་ཞིང་།། བདེན་བདར་ཞི་བ་ཆེན་པོར་བསམ།། ཤཱནྟིང་ཀུ་རུའི་སྒྲ་ཡང་བརྗོད།། གསོ
11b3 བའི་ལས་ནི་དེ་ལྟར་རོ།། ཕུང་བྱེད་གསོད་པའི་ལས་རྩོམ་ན།། ཤ་ཁྲག་དམར་གྱིས་གོང་བཞིན་མཆོད།། ཀི་ཀང་གཏུམ་ཁྲོ་དྲག་པོར་བསྐུལ།། ཁམས་གསུམ་ཕུང་བྱེད་སྒྲོལ་བདག་སྟེ།། སྲོག་སེར་ལས་ཀྱི་བདག་པོ
11b4 ཡིན།། ལྔ་བརྒྱ་དུས་ཀྱི་སྙིགས་མ་ལ།། རྟག་ཏུ་མཆོད་བསྐུལ་སུས་བྱེད་པ།། སྲོག་སེར་ལས་རྣམས་གདོན་མི་ཟའོ།། བདུད་བྱ་རོག་མགོ་བརྩེགས་རོག་ཏི་ནག་པོ་གསང་བ་སྒྲོལ་བྱེད་ཀྱི་རྒྱལ་པོ་ཀི་ཀང་རཀྵའི་མདོ།།
11b5 སྙིང་གཟེར་དྲག་པོའི་རྒྱུད་ཆེན་པོ་ལས། གསོ་གསད་མཆོད་ཚུལ་རྟོག་པ་གནད་ཀྱི་ལེའུ་གསུམ་པའོ།། །། དེ་ནས་དཔའ་བོ་གཙོ་ཆེན་གྱིས།། ལྔ་བརྒྱ་དུས་ཀྱི་སྙིགས་མའི་ཚེ།། སངས་རྒྱས་གཉེན་གྱི་བསྟན་པ
11b6 ལ།། འཚེ་བྱེད་ཆམ་ལ་དབབ་པའི་ཕྱིར། ཕུང་བྱེད་མདོ་བསྐུལ་ཆེན་པོ་ནི།། གཟའ་བདུད་འཇུག་ཅིང་ཀི་ཀང་འབེབས་བྱེད་པའི།། གཟའ་བདུད་ཆེན་པོ་མི་སྲུན་པ།། ཁྱབ་འཇུག་ཆེན་པོ་ཀུན་ཏུ་རྒྱུ།། འཇིགས་བྱེད
iiif viewer powered by OpenSeadragon
