| e-texts navigator |
| Wylie |
119a1 སྒོམ་རྨུགས་པས་བདེ་བ་ཉམས།། རང་རིག་མེད་པས་ཞི་གནས་བྱིང་།། ལྷག་མཐོང་མེད་པས་དོན་དང་བྲལ།། བསྒོམས་པས་དོན་མེད་བདུད་ཀྱིས་བསླུས།། དེ་ཕྱིར་ལུང་ལྡན་གདམས་ངག་གཅེས།། ད
119a2 ཡང་འཁོར་གྱི་སེམས་དཔའ་ཉོན།། གཅིག་པུར་མི་གནས་འདུས་པ་དགའ།། གཞན་གྱི་རྐྱེན་བྱས་བདུད་ཞུགས་ཏེ།། ཏིང་འཛིན་བཏང་ནས་ཡིན་མིན་གྱི།། ཡུལ་ལ་ཤེས་པ་སྣ་ཚོགས་ཞེ་ན།། མི་རྟོག་མེད་པས་ཉོན
119a3 མོངས་འབྱུང་།། སྤང་སྡུད་ཞེན་པས་རང་རྒྱུད་བྱེད།། དེ་ཕྱིར་གཡེང་བའི་བདུད་ཀྱིས་བསླུས།། དེ་ཡང་འཁོར་གྱི་སྙིང་པོ་ཉོན།། ཡང་ཡང་གོམས་པ་མ་བྱས་པས།། འཕྲོ་བ་རྐུན་བུའི་བདུད་ཞུགས་ཏེ།། གང་ཡང་རུང
119a4 བའི་ཚིག་རེ་ཙམ།། ཡིད་ལ་བྱེད་པས་མི་གཡོ་བྲལ།། ནན་ཏན་ཆུང་བས་ཉམས་མེད་ཕྱིར།། ལོང་ཅན་རྒྱུན་དུ་ཡང་ཡང་ལྡང་།། ངེས་པའི་གདེང་དང་མི་ལྡན་པས།། འཕྲོ་བའི་བདུད་ཀྱིས་བསླུས་ཕྱིར་ལྟུང་།། དེ་ཡང
119a5 འཁོར་ཀུན་ལེགས་པར་ཉོན།། སྒོམ་པའི་བདུད་ནི་དེ་དག་དང་།། གདམས་ངག་མེད་པ་རྣམས་ལ་འབྱུང་།། ལུང་ལྡན་རྣམས་ལ་གནོད་མི་ཚུགས།། མ་རྟོགས་ཅི་བསྒོམ་བདུད་དུ་འགྱུར།། རྫོགས་པ་ཆེན་པོ་རྨད་བྱུང
119a6 དོན་གྱི་སྙིང་པོ་རང་བྱུང་བདེ་བའི་འཁོར་ལོའི་རྒྱུད་ལས། སྒོམ་ཉམས་ཀྱི་བདུད་བསྟན་པའི་ལེའུ་སྟེ་བཅུ་དགུ་པའོ།། །། ད་ཡང་རྡོ་རྗེ་སེམས་དཔའ་ཉོན།། བྱ་བ་འདུ་འཛིའི་ལོངས་སྤྱོད་བདུད།། ཉམས་དགའ
iiif viewer powered by OpenSeadragon
