| e-texts navigator |
| Wylie |
118b1 བསྟན་ཏེ།། དུས་གསུམ་ཉེས་ལེགས་ཐམས་ཅད་སྟོན།། གཞན་ལ་སྨྲས་པས་བདེན་པར་བྱུང་།། ངའོ་སྙམ་པའི་བདུད་བཞུགས་ཏེ།། ཏིང་འཛིན་བཏང་ནས་གྲོང་ཁ་ཡན།། བར་དུ་ཕྱེད་བདེན་ཕྱེད་མི་བདེན།། ཐ་མར
118b2 སྨྲས་པ་ཐམས་ཅད་རྫུན།། བསླུ་བ་རྫུན་གྱིས་རང་བསླུ་ལྟུང་།། དེ་ཡང་འདུས་པའི་སྙིང་པོ་ཉོན།། ལྟ་བའི་བདུད་ནི་དེ་དག་དང་།། ཡུལ་འདི་གོལ་སར་མ་ཤེས་ཕྱིར།། སྣང་བ་གཟུགས་སོགས་ཞེན་པ་སྟེ།། ཡུལ་སེམས
118b3 ཞུག་ལ་ཅི་སྤྱོད་བདུད།། རྫོགས་པ་ཆེན་པོ་རྨད་བྱུང་དོན་གྱི་སྙིང་པོ་རང་བྱུང་བདེ་བའི་འཁོར་ལོའི་རྒྱུད་ལས། རྣལ་འབྱོར་ལྟ་བའི་བདུད་བསྟན་པའི་ལེའུ་སྟེ་བཅོ་བརྒྱད་པའོ།། །། ད་ཡང་རྡོ་རྗེ་སེམས་དཔའ
118b4 ཉོན།། སྒོ་ལྔ་བྱིང་བ་གསལ་བའི་བདུད།། དྲན་མེད་རྨུགས་པ་བདེ་བའི་བདུད།། རྐྱེན་གྱི་རྒོད་པ་མི་རྟོག་བདུད།། འཕྲོ་བ་མི་གཡོ་བདུད་རྣམས་འབྱུང་།། ད་ཡང་འདུས་པའི་སྙིང་པོ་ཉོན།། ཏིང་འཛིན་མྱུར་དུ་གྲུབ
118b5 འདོད་ནས།། ཡུན་རིང་བསྒོམས་པས་ཚད་མ་ཟིན།། མྱོས་པ་བྱང་བའི་བདུད་ཞུགས་ཏེ།། མ་རིག་དབང་གིས་གཉིད་དུ་སོང་།། གསལ་བ་བོར་ནས་བྱིང་བ་སོལ།། དེ་ཉིད་རྩོལ་བས་ཏིང་འཛིན་ཉམས།། མ་བཙལ་རྨི
118b6 ལམ་བཟང་ངན་བྱུང་།། དེ་ཕྱིར་བྱིང་བའི་བདུད་ཀྱིས་བསླུས།། དེ་ཡང་འདུས་པའི་སྙིང་པོ་ཉོན།། རང་རིག་ཆོས་སྐུར་མ་ཟིན་པས།། མ་རིག་དབང་གིས་ཡེ་ཤེས་བསྒྲིབས།། དྲན་པ་མེད་པའི་བདུད་ཞུགས་ཏེ།། ངང
iiif viewer powered by OpenSeadragon
