| e-texts navigator |
| Wylie |
116b1 ཆོད་ཕྱིར་གོལ་མེད་པས།། དེ་ཉིད་ཡེ་ཤེས་རང་ཤར་བས།། གོལ་ས་ཉིད་དང་ཆོས་ཉིད་དག། ཡེ་ཤེས་ངང་དུ་འགྱུར་བའི་ཕྱིར།། དམིགས་ཞེན་མེད་པས་གོལ་མེད་གསུངས།། དེ་ཡང་འཁོར་གྱི་སྙིང་པོ་ཉོན།། དཔེ་ནི
116b2 གང་གི་མི་ནུབ་ཅིང་།། ནམ་མཁའ་ཉི་མ་རང་གསལ་བཞིན།། རང་བྱུང་ངོ་བོ་ཡེ་ཤེས་བདེ་གསལ་བས།། སྣང་བ་ཕན་མེད་གནོད་མེད་ཕྱིར།། ཕྱོགས་ཀྱི་ཐ་སྙད་བཤད་ཀྱི་དགོས།། རྡོ་རྗེ་སེམས་དཔས་ཡང་གསོལ
116b3 པ།། མ་བསྒོམས་དོན་དང་འབྲལ་མེད་པའི།། དེ་དོན་རྟོགས་ཐབས་གང་གིས་བགྱི།། མ་བསྒོམས་ཀླུངས་སུ་འགྱུར་བ་ཡི།། རང་གི་ཐ་སྙད་གང་ལ་གདགས།། དེ་དོན་བསྒོམ་དུ་མེད་པའི་ཕྱིར།། མཚན་མ་བྱུང་ན
116b4 བཅོས་མི་དགོས།། ལྟ་བ་རང་ཤར་ཆེན་པོ་ལ།། མ་བསྒོམས་གོམས་པར་ཅིས་མི་འགྱུར།། དེ་སྐད་ཞུས་པས་བཀའ་སྩལ་པ།། སྙིང་པོ་རང་གི་སྟོབས་དང་ནི།། མན་ངག་དགོངས་པ་ཐུགས་བརྟོལ་ནས།། ཤེས་རྒྱུད
116b5 རྟོགས་པའི་བླ་མ་ཡི།། ཇི་བཞིན་ཉིད་དུ་ཤར་བ་ལ།། སྣང་མེད་ཆོས་ཚེ་སྐུ། ཉིད་མཚོན་པས།། མཚན་མའི་དངོས་པོར་མི་འབྱུང་ཕྱིར།། སྨན་དང་སྨན་པའི་ཐབས་བཞིན་དུ།། སེམས་མིན་མི་འདོད་ཅི་ཞིག
116b6 ལྟར།། ད་ཡང་འདུས་པའི་སྙིང་པོ་ཉོན།། ཐིག་ལེ་ཆོས་སྐུ་ཁྱབ་པའི་ཕྱིར།། ཇི་བཞིན་ཉིད་དུ་རང་ཤར་བས།། གང་ཡང་དམ་པར་མི་ལྟ་བས།། ཐམས་ཅད་ཇི་བཞིན་རང་སར་གྲོལ།། དེ་ཕྱིར་མཐའ་ལ་མི་གནས
iiif viewer powered by OpenSeadragon
