| e-texts navigator |
| Wylie |
116a1 ལགས།། སྣང་བ་མཚན་མ་འདི་ཉིད་ཀྱི།། གཏན་ཚིགས་མ་གྲུབ་གསུངས་པ་ཅི།། དོན་དེ་གང་གིས་རྟོགས་པའི་ཐབས།། བལྟ་མེད་གསུངས་པ་ཅི་ཡི་ཕྱིར།། གོལ་ས་ལྟུང་མེད་བསྟན་པའི་ཕྱིར།། མཐུན
116a2 དཔེ་གང་གིས་གང་ལ་མཚོན།། མཉམ་པའི་རྒྱལ་པོས་བཤད་དུ་གསོལ།། དེ་སྐད་ཞུས་པའི་དོན་གསན་ནས།། འདུས་པའི་འཁོར་ལ་བཀའ་སྩལ་པ།། དྭངས་གཉིས་ལ་སོགས་ཆོས་རྣམས་ཀུན།། བྱ་བ་མེད་པར་རང
116a3 ཤར་ཅིང་།། ཡུལ་མེད་ངོ་བོ་རང་གནས་ཕྱིར།། ཡེ་ནས་མ་བསྒྲིབས་རང་གསལ་བ།། གང་ཡང་གཞན་དུ་མི་དམིགས་ན།། གཞི་ལ་མི་འགྱུར་ངོ་བོར་སོན།། སེམས་ཅན་མེད་པས་གཞལ་བྱ་བྲལ།། དེ་ཡང་རྡོ་རྗེ་སེམས
116a4 དཔའ་ཉོན།། སྣང་མེད་ཆོས་སྐུར་གསལ་བ་ལ།། ཇི་སྙེད་པ་ཡི་རྣམ་གྲངས་ཀུན།། དགག་སྒྲུབ་བྱ་བ་མེད་པའི་ཕྱིར།། རང་གི་ས་ན་ཡེ་གནས་པས།། གཞན་མ་དག་ཏུ་མི་བསྒྲུབ་པས།། ཕྱོགས་གཉིས་བྲལ་བས་བྱང
116a5 ཆུབ་སེམས།། མཐའ་བཞི་ཐ་སྙད་བྲལ་བ་ལ།། འཇལ་བྱེད་གཏན་ཚིགས་ཅི་ཞིག་དགོས།། འདུས་པའི་རྡོ་རྗེ་སྙིང་པོ་ཉོན།། མཚོན་པའི་ཐ་སྙད་མི་བརྗོད་དེ།། ཆོས་རྣམས་མ་ལུས་ཐམས་ཅད་ཀུན།། ལོག་པའི་རྗེས་སུ
116a6 འབྲང་བའི་ཕྱིར།། ཡུལ་མེད་ཐིག་ལེ་རང་ཤར་བས།། ཇི་བཞིན་མ་ནོར་སྙིང་པོ་ཡིས།། ངེས་པར་གཞན་དུ་ལྟ་ལས་གྲོལ།། དེ་ཡང་རྡོ་རྗེ་སེམས་དཔའ་ཉོན།། ཀུན་བཟང་བརྡལ་ཁྱབ་རང་བཞིན་ལ།། ཐོག་མཐའ
iiif viewer powered by OpenSeadragon
