| e-texts navigator |
| Wylie |
114b1 ཚེ་རྣམ་གཟིགས་བསྟན་པ་ལ།། བྲམ་ཟེ་དཔལ་ལྡན་བྱ་བའི་བུ།། རང་སེམས་རྟོགས་པའི་དོན་མེད་པས།། གཞན་ནས་འབྲས་བུ་ཞེ་འདོད་ཀྱིས།། རིགས་ལྔའི་སངས་རྒྱས་ནམ་འགྲུབ་ཅེས།། ཡིད་ལ་བསམས་ཤིང་ལྷ
114b2 བསྒོམས་པས།། འབྲས་བུ་མེད་ཅིང་འཁོར་བར་སྐྱེས།། དེ་ཕྱིར་རེ་དོགས་མེད་པར་བྱ།། དེ་ཡང་རྡོ་རྗེ་སེམས་དཔའ་ཉོན།། རེ་མེད་དོན་འདི་དྲན་བྱས་ན།། ཆོས་ཉིད་སངས་རྒྱས་ས་ལ་གནས།། དོགས་མེད་དོན་ལས
114b3 མ་གཡོས་ན།། སྒྲིབ་པ་སྦྱང་བའི་ཐབས་མི་དགོས།། ད་ཡང་བློ་གྲོས་དམ་པ་ཉོན།། ངོ་བོ་ཉིད་ཀྱི་ཆོས་སྐ་ལ།། གང་ཡང་མ་བཀག་ནམ་མཁའ་བཞིན།། འཁོར་འདས་ཞེན་མེད་འབྲས་བུ་ཡིན།། དེ་ཉིད་རང་སེམས
114b4 སྙིང་པོར་བཤད།། འགྲོ་དྲུག་སེམས་ཅན་ཐམས་ཅད་ལ།། ཆོས་སྐུ་རང་ཆས་ཡོད་རྟོགས་ན།། སྒོམ་ཞིང་སྒྲུབ་པའི་ནད་དང་བྲལ།། ཡེ་ཤེས་ངོ་བོ་ད་ལྟའི་སེམས།། རེ་དོགས་མེད་ཤེས་འབྲས་བུའི་མཆོག། དུས་གསུམ
114b5 རང་སེམས་འགྱུར་མེད་དོན།། མེད་ལ་མི་ཟད་རང་བྱུང་ཐུགས།། སངས་རྒྱས་ཞེས་ནི་དེ་ལ་བྱ།། རྫོགས་པ་ཆེན་པོ་རྨད་བྱུང་དོན་གྱི་སྙིང་པོ་རང་བྱུང་བདེ་བའི་འཁོར་ལོའི་རྒྱུད་ལས། རེ་དོགས་མེད་པའི་འབྲས་བུ
114b6 བསྟན་པའི་ལེའུ་སྟེ་བཅོ་ལྔ་པའོ།། །། ཀུན་རིག་རྒྱལ་པོས་ཡང་གསུངས་པ།། སྣང་མེད་ལྟ་བའི་རིག་པ་ཡིས།། མ་བཙལ་འགྱུར་མེད་ཆོས་ཀྱི་སྐུ།། བག་ཆགས་མེད་པས་ཡུལ་དང་བྲལ།། ད་ལྟ་ཉིད་དུ་རང་བྱུང
iiif viewer powered by OpenSeadragon
