| e-texts navigator |
| Wylie |
114a1 རང་རིག་ཆོས་སྐུ་ལ།། མ་རིག་མེད་པ་ཡེ་ཤེས་འཆར།། སངས་རྒྱས་ཐུགས་ལ་འཆར་ནུབ་མེད།། དེ་ཕྱིར་འབྲས་བུ་སངས་རྒྱས་མཆོག། རྫོགས་པ་ཆེན་པོ་རྨད་བྱུང་དོན་གྱི་སྙིང་པོ་རང་བྱུང་བདེ་བའི
114a2 འཁོར་ལོའི་རྒྱུད་ལས། འབྲས་བུ་ལྟུང་བ་མེད་པར་བསྟན་པའི་ལེའུ་སྟེ་བཅུ་བཞི་པའོ།། །། དེ་ནས་འདུས་པའི་འཁོར་རྣམས་ལ།། ཀུན་རིག་རྒྱལ་པོས་བཀའ་སྩལ་པ།། ཐུགས་ཀྱི་གདེང་ཆུད་སྐལ་བ་ལ།། མི
114a3 ནུབ་ཡོངས་ཀྱི་གཏེར་དུ་ནི།། དུས་གསུམ་རྒྱལ་བའི་ཆོས་ཀྱི་སྐུ།། རང་བྱུང་ཐུགས་སུ་གསལ་བའི་དོན།། མཉམ་ཉིད་འགྲོ་དོན་བྱེད་པའི་ལམ།། ཚད་མ་རང་གི་དབང་ཕྱུག་གིས།། རྗེས་འཚོ་བ་ཐུགས་ཀྱི་སྲས་མཆོག
114a4 ལ།། སྐྱེ་འགག་འཁོར་བ་སྤང་ལེན་མེད།། བདག་འཛིན་བྲལ་བ་རྒྱལ་བའི་ཐུགས།། ད་ཡང་འདུས་པའི་སྙིང་པོ་ཉོན།། འདུ་འབྲལ་འཆི་མེད་ཡེ་ཤེས་ལུས།། རིག་པ་ཕྱོགས་མེད་བྱང་ཆུབ་འཆར།། སོ་སོ་མ་ཡིན་ཡེ
114a5 ནས་གཅིག། དེ་ཕྱིར་ཡོན་ཏན་བསྟན་པ་དཀའ།། བྱང་ཆུབ་དང་དུ་ཐམས་ཅད་འདུས།། མཐའ་མཉམ་དབང་ཕྱུག་ཆེན་པོའི་ཐུགས།། ཡེ་ཤེས་སངས་རྒྱས་ཀུན་དང་མཉམ།། སྡེ་སྣོད་ཆོས་རྣམས་ཐུགས་ལ
114a6 རྫོགས།། འཇིག་རྟེན་ཁམས་ན་འགྲན་ཟླ་མེད།། ཞེ་འདོད་རིགས་ལྔ་མ་བསྒྲུབས་ཀྱང་།། རང་གི་སེམས་ལ་སངས་རྒྱས་རྫོགས།། དེ་ཉིད་འབྲས་བུ་དམ་པར་གསུངས།། དེ་ཡང་འདུས་པའི་འཁོར་རྣམས་ཉོན།། སྔོན
iiif viewer powered by OpenSeadragon
