| e-texts navigator |
| Wylie |
113a1 པོ་རྟོགས་པ་ཡིས།། འཆི་མེད་སྲོག་ལ་གཅད་དུ་མེད།། ཞེ་སྡང་མནར་སེམས་རིག་པའི་དོན།། དམྱལ་བའི་སྡུག་བསྔལ་ཡ་མི་ང་།། རང་རིག་ཡེ་ཤེས་དོན་ལྡན་པས།། མ་རིག་སྣ་ཚོགས་དོན་དུ
113a2 ཤེས།། ཡེ་ནས་ཆོས་ཉིད་བརྡལ་བ་ལ།། མ་རིག་སྒྲིབ་པ་སྦྱང་དུ་མེད།། དོན་རྟོགས་ང་རྒྱལ་ཡེ་ཤེས་ལ།། ཡིད་ཆེས་ཆོས་སྐུ་རང་བྱུང་ཐུགས།། འགྲན་ཟླ་འཇིག་རྟེན་གསུམ་ན་མེད།། དེ་ཉིད་ང་རྒྱལ་ངོ་བོ་ཉིད།། ཕྲག
113a3 དོག་གོལ་སྒྲིབ་སྐྱོན་མེད་པས།། དེ་ཕྱིར་མ་སྤངས་རང་སར་དག། ལྟ་བ་ངན་ལ་ཕྲག་དོག་གསལ།། དེ་ཕྱིར་ཕྲག་དོག་གསང་བའི་སྐུ།། ད་ཡང་འདུས་པའི་སྙིང་པོ་ཉོན།། སེམས་ཅན་ལོག་རྟོག་ཚན་པོ་ཆེས།། གཞན
113a4 གྱི་རྐྱེན་གྱིས་མི་ལྡོག་ཕྱིར།། དུག་ལྔ་རང་ལ་བརྟེན་ཏེ་བཟློག། མཐུན་པར་བསྟན་པས་ངེས་པར་བཟློག། དེ་ཡང་འདུས་པའི་སྙིང་པོ་ཉོན།། བཟློག་ཏུ་མི་འདོད་གང་ཟག་ནི།། སྡིག་ཅན་མུ་སྟེགས་མཐོང་བའི
113a5 ཤེས་སྤྱོད་མཚང་རྣམས་འབྲུ་བའི་ཕྱིར།། བདག་ཉིད་གཞན་དུ་བྱོལ་བར་བྱ།། གལ་ཏེ་སྤང་བའི་ཐབས་མེད་ན།། ངག་གི་སྨྲ་ཚིག་མི་བསྒོ་བར།། སྙིང་རྗེ་ཆེན་པོའི་སེམས་བསྐྱེད་ལ།། ལོག་ནོན་གདམས་ངག་དྲན
113a6 བྱས་ལ།། བཟོད་པའི་ཡུལ་དུ་ཤེས་པར་བྱ།། རྫོགས་པ་ཆེན་པོ་རྨད་བྱུང་དོན་གྱི་སྙིང་པོ་རང་བྱུང་བདེ་བའི་འཁོར་ལོའི་རྒྱུད་ལས། དུག་ལྔ་རང་གྲོལ་དུ་བསྟན་པའི་ལེའུ་སྟེ་བཅུ་གསུམ་པའོ།། །། ད་ཡང་འདུས
iiif viewer powered by OpenSeadragon
