| e-texts navigator |
| Wylie |
111b1 སྦྲུམ་མ་ནི།། སྐྱེ་བའི་དུས་སུ་ཟས་བསྟེན་བཞིན།། ལུང་ལྡན་མན་ངག་ཡོད་པའི་མིས།། རྐྱེན་གྱི་རྟོག་པ་ཅི་བྱུང་ཡང་།། དོན་དེ་ངེས་དོན་ཟླ་དྲན་པས།། མ་བསྒོམས་དོན་དང་འབྲལ་བ་མེད།། དགོས་པའི་ཉམ་ཆུང
111b2 བརྟེན་པ་བཞིན།། བླ་མ་མཁས་དོན་ལྡན་པ་ལ།། རྟག་ཏུ་བསྙེན་ཅིང་གུས་བྱས་ན།། འབྲས་བུ་ཆོས་སྐུ་མྱུར་དུ་འགྲུབ།། དེ་ཡང་རྡོ་རྗེ་སེམས་དཔའ་ཉོན།། ངེས་པའི་དོན་གྱི་གདེང་ཉམས་ཀྱང་།། བསྒོམ་དུ་མེད་ཕྱིར
111b3 ཡེངས་པ་མེད།། དུས་བཞི་རྐྱེན་གྱི་བར་དུ་ནི།། འཁོར་འདས་ཡུལ་གྱིས་མ་བསླད་ཕྱིར།། ཡེ་ཡིན་དོན་ལ་བརྗོད་མེད་བྱ།། རྒྱལ་པོ་མི་འགྲོ་འཁོར་སྡུད་བཞིན།། ཆོས་ཉིད་མ་བསྒོམས་སྐུ་གསུམ་འབྱུང་།། ཆེ་བའི་ཡོན
111b4 ཏན་ལྷུན་གྱིས་གྲུབ།། དཔེར་ན་སྒྱུ་མ་མཁས་པ་ཡིས།། སྤྲུལ་པའི་སྲོག་ནི་གཅོད་ཙམ་ན།། སྲོག་མེད་སྒྱུ་མ་ཡིན་ཞེས་ལྟར།། རང་རིག་ལྟ་བའི་དོན་གནས་པས།། དུག་ལྔ་སྤྱོད་ཚེ་རང་རིག་འཆར།། ངོ་བོ་ཉིད་ལ་འགྲིབ
111b5 མེད་ཤེས།། དེ་ཚེ་ཉོན་མོངས་ཅི་སྤྱད་ཀྱང་།། སྐྱོན་གྱིས་མ་གོས་རང་བྱུང་གསལ།། དེ་ཉིད་མི་བརྗོད་རྟོགས་པའི་ཕྱིར།། ཆེད་དུ་བྱས་པ་བསྒོམ་མི་དགོས།། དེ་ཡང་འདུས་པའི་འཁོར་རྣམས་ཉོན།། རང་སེམས་རྟོགས
111b6 པའི་བསྒོམ་པ་ལ།། ཅིག་ཆར་བསྡུས་ཏེ་འཆར་ན་ཡང་།། སྒོམ་པའི་ཐུན་ལ་རིང་ཐུང་མེད།། ནམ་འགྲུབ་སྙམ་པའི་ཁར་མ་ལུས།། རྫོགས་པ་ཆེན་པོ་རྨད་བྱུང་དོན་གྱི་སྙིང་པོ་རང་བྱུང་བདེ་བའི་འཁོར་ལོའི་རྒྱུད་ལས།།
iiif viewer powered by OpenSeadragon
