| e-texts navigator |
| Wylie |
111a1 ཡེངས་པ་མེད།། གཟུང་དུ་མེད་ལ་ཞེ་ལ་གསལ།། རང་ཡིད་ཆེས་ལ་ཁར་མི་ཟོན།། སྣང་སྲིད་གསལ་ལ་ཞེན་པ་མེད།། རང་གི་བྱ་ར་དངོས་མེད་གྲོལ།། དྲན་པ་མི་བརླག་འགྲོ་འོང་མེད།། དྲན་པའི་རིག
111a2 པ་ཅི་བྱུང་ཡང་།། དེ་ཉིད་དུས་ན་ངོས་གཟུང་མེད།། དེ་ཡང་འདུས་པའི་སྙིང་པོ་ཉོན།། ཡིད་ཀྱི་ཡུལ་དུ་མ་བསྒོམས་ཏེ།། ལྟ་བའི་དོན་དང་འབྲལ་མེད་ཕྱིར།། དེ་ཙམ་ཉིད་ན་འབྱུང་འཇུག་མེད།། རྫོགས་པ་ཆེན་པོ་རྨད
111a3 བྱུང་དོན་གྱི་སྙིང་པོ་རང་བྱུང་བདེ་བའི་འཁོར་ལོའི་རྒྱུད་ལས། ཡེ་ཤེས་ཀྱི་སྒོམ་པ་ངོས་གཟུང་བའི་ལེའུ་སྟེ་བཅུ་པའོ།། །། རྡོ་རྗེ་སེམས་དཔའ་ཡང་ཉོན་ཅིག། ངོས་ཟིན་དོན་ལ་གནས་ཐབས་ནི།། མར་མེས
111a4 མུན་བསལ་སྣང་བ་བཞིན།། སྐད་ཅིག་ཙམ་གྱི་ཏིང་འཛིན་གྱིས།། བག་ཆགས་བརླག་པས་མ་རིག་སངས།། དོན་ཉིད་ཡེ་ཤེས་དྲན་པ་ཡིས།། ཉོན་མོངས་ལས་ཀྱིས་གོས་པ་མེད།། དེ་བས་རང་སེམས་དྲན་པ་ནི།། སྐུ
111a5 ངས་ནས་འཁྲུལ་བ་བཞིན།། མཚན་མའི་རྟོག་བྲལ་དོན་ཤེས་པས།། སྤྲོས་བྲལ་ཡེ་ཤེས་སྙིང་པོར་གནས།། ད་ཡང་འདུས་པའི་སྙིང་པོ་ཉོན།། འཁོར་འདས་གཞི་ཤེས་རང་བྱུང་སྟེ།། བསྒོམ་དང་མི་བསྒོམ་སྒོ་སྐུར
111a6 བྲལ།། དེ་ཉིད་ཉམས་སུ་བླང་ཐབས་ནི།། ཐིགས་པས་སྣོད་ཆེན་ཁེངས་པ་བཞིན།། ངོ་བོ་ཉིད་ཀྱི་ཆོས་སྐུ་ཡང་།། སེམས་ཉིད་རིག་པ་གསལ་ཐེབས་ན།། གོལ་ས་མི་འབྱུང་སངས་རྒྱས་འགྲུབ།། དཔེར་ན་བུད་མེད
iiif viewer powered by OpenSeadragon
