| e-texts navigator |
| Wylie |
110a1 འདུས་པའི་འཁོར་རྣམས་ལ།། ཀུན་རིག་རྒྱལ་པོས་བཀའ་སྩལ་པ།། རང་སེམས་ཆོས་སྐུའི་ལྟ་བ་ནི།། ཀུན་ལ་ཁྱབ་པའི་རིག་པ་ཡིན།། འདུས་མ་བྱས་པའི་དོན་རྟོགས་པས།། མཐའ་བྲལ་རིག་པ
110a2 གཅིག་ཡིན་ནོ།། དེ་ཡང་རྡོ་རྗེ་སེམས་དཔའ་ཉོན།། ཀུན་གྱི་མཉམ་ཉིད་རྒྱལ་བའི་ཐུགས།། མ་ལུས་སེམས་ཅན་ཐམས་ཅད་ལ།། ཆོས་སྐུ་ཁྱབ་པ་བརྡལ་བའི་སྐུ།། མཐའ་དབུས་མེད་པའི་ནམ་མཁའ་འདྲ།། རིག་པ་མ
110a3 བསླད་གཉུག་མར་གནས།། དམིགས་འཛིན་མེད་པར་རང་གིས་གསལ།། དངོས་པོ་མེད་པ་ཤེས་རབ་ཡོད།། ནམ་མཁའ་ཉི་མའི་འོད་ཤར་འདྲ།། འདུས་མ་བྱས་ཀྱི་ཡེ་ཤེས་ཀྱིས།། རྟེན་འཆང་མེད་པ་ཉོན་མོངས
110a4 སེལ།། འབྱུང་བ་ལྔ་ལ་རག་མ་ལུས།། མི་འགྱུར་འཇོམས་པས་རྡོ་རྗེ་འདྲ།། བླ་མས་དོན་བསྟན་རྣལ་འབྱོར་པས།། ཐེ་ཚོམ་མེད་པར་རང་སེམས་རྟོགས།། ཐམས་ཅད་གཅིག་ལ་རྫོགས་པ་སྟེ།། མ་རིག་ལོང་བའི་མིག
110a5 འབྱེད་འདྲ།། ཡེ་ཤེས་རིག་པ་དེ་ཉིད་ནི།། ཡོད་མེད་དབུས་དང་མཐའ་མེད་པས།། སང་ངེ་སལ་ལེ་མཐོང་འགྱུར་མེད།། ཀ་ཤི་རས་ཀྱིས་རིན་ཆེན་འདྲ།། ད་ཡང་རྡོ་རྗེ་སེམས་དཔའ་ཉོན།། མ་བཅོས་ལྟ་བའི་རང
110a6 བཞིན་ལ།། ཡུལ་མེད་ཆོས་སྐུ་རང་བྱུང་དེ།། རེ་དོགས་རྡུལ་ཙམ་མེད་པའི་ཕྱིར།། ལྷུན་གྲུབ་ཡེ་ཤེས་ཆེན་པོ་ཡིན།། རྫོགས་པ་ཆེན་པོ་རྨད་བྱུང་དོན་གྱི་སྙིང་པོ་རང་བྱུང་བདེ་བའི་འཁོར་ལོའི་རྒྱུད་ལས། ཡེ་ཤེས་ལྷུན
iiif viewer powered by OpenSeadragon
