| e-texts navigator |
| Wylie |
10a1 དང་།། འདི་རྣམས་བསེ་གབ་ནང་དུ་བསྩལ།། དེ་ནས་བྷནྣའི་ཀླད་ཕོར་དུ།། ཤ་སྣ་སྣ་ཚོགས་དག་དང་ནི།། སྐེ་ཚེ་ཤང་ཚེ་ཉུང་ནག་ཏིལ།། ཐལ་ཆེན་གསུར་ཆེན་ཁྲག་ཆེན་རྣམས།། བ་ཡི་འོ་མ་དང་སྦྱར
10a2 བསྩལ།། གཞན་ཡང་གུ་གུལ་ནག་པོ་དང་།། འབྲས་དང་ཆན་དང་སྒྲུབ་སྨན་རྣམས།། ཆང་དང་སྦྱར་ལ་བསྩལ་བར་བྱའོ།། དེ་ནས་འགལ་བྱེད་དམ་སྲིའི་གཟུགས།། སྦྲུལ་སྔོན་དག་གི་ཤུན་པ་ལ།། མིང་རུས་བླ་དྭགས
10a3 གཟུགས་བྲིས་ཏེ།། བྷནྡ་ཁ་སྦྱར་ནང་དུའོ།། ཙ་ར་རོག་པོ་འགལ་ཁ་ལ།། རྭ་ལ་རོག་ཏིའི་སྙིང་པོ་བྲིའོ།། སྐེ་རུ་གང་དམིགས་བྲིས་ལ་གདགས།། དམིགས་པ་དེ་ལ་བཅས་པ་དང་།། དེ་ཡི་དྲུང་དུ་བཞག་པ་ནི།། གདོང
10a4 ཁ་བཞི་རུ་སྡོམ་ནས་སུ།། ཡུགས་ས་མོ་ཡི་ཀླད་ཕོར་དུ།། སྟག་དོམ་པན་གླང་ཉ་ཡི་སྙིང་།། ཤ་རུལ་ཁྲག་རུལ་ར་མཆིན་བཞག། མཛེ་མོའི་འོ་མ་ལ་སོགས་དང་།། སེམས་ཅན་སྣ་ཚོགས་ཤ་རྣམས་དག། ཀླད་ཕོར་ནང
10a5 དུ་བསྩལ་བར་བྱ།། ཁྲག་སྣ་དག་དང་སྦྱར་བར་བྱ།། བདུད་བྱ་རོག་ནག་པོ་མགོ་བརྩེགས་པའི་རོག་ཏི་ནག་པོ་གསང་བ་སྒྲོལ་བྱེད་ཀྱི་ཀི་ཀང་རཀྵའི་མདོ་སྙིང་གཟེར་དྲག་པོ་ཆེན་པོའི་རྒྱུད་ལས། མཐུན་རྫས་ལིངྒ
10a6 བཅའ་ཐབས་གལ་ཆེན་གནད་ཀྱི་ལེའུ་གཉིས་པའོ།། །། དེ་ནས་དཔའ་བོ་གཤེད་ཆེན་གྱིས།། སྙིགས་མ་དུས་ཀྱི་ཐ་མའི་ཚེ།། སངས་རྒྱས་གཉེན་གྱི་བསྟན་པ་ལ།། འགལ་བྱེད་ཆམ་ལ་དབབ་པའི་ཕྱིར།། གསོ
iiif viewer powered by OpenSeadragon
