| e-texts navigator |
| Wylie |
109b1 མེད།། ཡུལ་དང་མ་བྲལ་ངོ་བོ་ཉིད།། དོན་རྟོགས་པ་ཡི་དོན་ལ་གནས།། ཡེ་རྫོགས་ཆོས་སྐུའི་སྙིང་པོ་ཡིན།། རེ་དོགས་མཐའ་ཀུན་རྣམ་པར་ཞི།། ཚིག་ཏུ་མཚོན་མེད་ཡེ་ནས་བདེན།། གཅིག་དང་དུ་མ་མཐའ་ཡི
109b2 ཆོས།། དེ་ཕྱིར་འཁོར་འདས་གཉིས་ལས་འདས།། འདི་ཞེས་མ་བསྒྲགས་ལྟ་བའི་ཆོས།། དེ་ཡང་འདུས་པའི་སྙིང་པོ་ཉོན།། དངོས་པོ་མེད་ཕྱིར་རྟོག་པ་བྲལ།། ཀུན་ལ་ཁྱབ་པས་ཆད་པ་བྲལ།། དབུས་མཐའ་བྲལ་བས
109b3 རང་བྱུང་སྐུ།། ཆོས་སྐུ་ནམ་མཁའ་ལྟ་བུ་ལ།། བརྗོད་མེད་ལྟ་བ་དྲན་པའི་གཟུངས།། དེ་དོན་ཕྱིན་ཅི་མ་ལོག་པར།། ཡེ་ཤེས་ལམ་ལ་གནས་པར་བྱ།། རང་རིག་ངེས་པའི་ལྟ་བ་ལ།། ཡངས་པ་མེད་པར་ཡིད་ལ
109b4 བལྟ།། དེ་ཡང་ཡུལ་ཅན་མ་ཡིན་ཏེ།། རང་ལ་རང་བལྟ་ཤིན་ཏུ་གསལ།། དེ་གོམས་མཐར་ཕྱིན་ཡེ་ཤེས་ཐུགས།། ཆོས་ཉིད་སྤྲོས་བྲལ་འགྱུར་བ་མེད།། རང་བྱུང་ཡེ་ཤེས་གཉུག་མར་གནས།། དེ་ཉིད་མི་འབྲལ་ལྟ་བའི
109b5 མཆོག། དེ་ཡང་འཁོར་གྱི་སྙིང་པོ་ཉོན།། འཁོར་འདས་གཉིས་ཀྱི་ཆོས་ཉིད་ལ།། ཇི་སྲིད་བག་ཆགས་ཡོད་པའི་བར།། འདི་ལྟར་སྣང་བའི་ཆོས་རྣམས་སོ།། ཇི་སྲིད་བག་ཆགས་དག་ན་ནི།། སྣང་བའི་ཡུལ་རྣམས
109b6 གདོད་ནས་མེད།། ཐག་སྦྲུལ་མཐོ་ཡོར་ཇི་བཞིན་ནོ།། རྫོགས་པ་ཆེན་པོ་རྨད་བྱུང་དོན་གྱི་སྙིང་པོ་རང་བྱུང་བདེ་བའི་འཁོར་ལོའི་རྒྱུད་ལས། མཐའ་མ་རེག་པ་བསྟན་པའི་ལེའུ་སྟེ་བརྒྱད་པའོ།། །། དེ་ནས
iiif viewer powered by OpenSeadragon
