| e-texts navigator |
| Wylie |
109a1 མེད་ལྟ་བའི་ངང་གིས་གསལ།། མཚོན་པའི་ཚིག་གིས་བཀྲི་དང་བྲལ།། སྐྱེ་མེད་གདེང་ཆུབ་འདུ་འབྲལ་མེད།། སྣང་མེད་རིག་པ་དངོས་པོ་བྲལ།། ཡང་དག་ཐུགས་ལ་སྤྲོ་བསྡུ་མེད།། མ་སྤྲོས་ལྷུན་གྲུབ
109a2 རིག་པ་ཤར།། ཀུན་ཁྱབ་དོན་འདུས་མཐའ་མ་རིག། ཡེ་ཤེས་སྐུ་མཆོག་ཆོས་སྐུ་བརྡལ།། དེ་ཡང་རྡོ་རྗེ་སེམས་དཔའ་ཉོན།། འགྲོ་དྲུག་སེམས་ཅན་རང་བྱུང་སྐུ།། འདི་ལྟར་སྣང་བ་མ་ལུས་ཀུན།། གདོད་ནས་མེད་པའི
109a3 དོན་རྟོགས་པས།། ཡེ་ཤེས་གཅིག་གི་ངང་དུ་འདུས།། ལུས་ངག་ཡིད་ཀྱི་བྱ་བ་རྣམས།། བྱས་ནས་འཆིང་བའི་ལས་ཡིན་པས།། གཞི་ལ་མེད་ཅེས་བཙལ་མི་དགོས།། མ་བསྒོམས་འདུ་འབྲལ་མེད་པར་བལྟ།། རྫོགས
109a4 པ་ཆེན་པོ་རྨད་བྱུང་དོན་གྱི་སྙིང་པོ་རང་བྱུང་བདེ་བའི་འཁོར་ལོའི་རྒྱུད་ལས། མ་རིག་མུན་པ་སེལ་བའི་ལེའུ་སྟེ་བདུན་པའོ།། །། ད་ཡང་འདུས་པའི་སྙིང་པོ་ཉོན།། སངས་རྒྱས་སེམས་ཅན་འབྱུང་བ
109a5 ཀུན།། བློ་བུར་བྱུང་ཕྱིར་གནས་ལུགས་མིན།། དེ་ཕྱིར་འཇིག་རྟེན་ཆོས་ལ་དཔེ་མི་ལང་།། འཁོར་འདས་གཞི་མ་དོན་མ་རེག། དེ་ཡང་འདུས་པའི་འཁོར་རྣམས་ཉོན།། ཕ་མེད་མ་མེད་ནགས་ཀྱི་བྱེའུ།། ནམ་མཁའི
109a6 མཐོངས་སུ་འཐོན་པ་ལྟར།། བློ་བུར་འཁོར་འདས་གཉིས་པར་ན།། ཆོས་སྐུ་རྟོགས་པས་མ་རིག་སངས།། གདོད་མའི་རང་བྱུང་འདི་ཉིད་ནི།། ལྟ་བ་རྟོགས་པས་ཆོག་པའི་ཕྱིར།། འཁོར་འདས་གཉིས་པོ་གདོད་ནས
iiif viewer powered by OpenSeadragon
