| e-texts navigator |
| Wylie |
108a1 པའོ།། །། དེ་ནས་རྡོ་རྗེ་སེམས་དཔའ་ཡིས།། ཀུན་རིག་རྗེ་ལ་ཡང་གསོལ་པ།། དོན་གྱི་གནས་ལུགས་རྟོགས་ཐབས་གང་།། ཀུན་རིག་རྒྱལ་པོས་བཤད་དུ་གསོལ།། ཞུས་པའི་དོན་གསན
108a2 བཀའ་སྩལ་པ།། དེ་དོན་ངས་བཤད་ཡིད་ཀྱིས་ཉོན།། ངེས་པའི་བླ་མ་ལུང་ལྡན་ལ།། དད་པ་བརྩོན་འགྲུས་དམ་ཚིག་གིས།། བཀུར་སྟི་རིམ་གྲོ་གུས་བྱས་ནས།། མན་ངག་སྙིང་པོ་སྣང་བར་འགྱུར།། དེ་ཡང་འདུས་པའི
108a3 སྙིང་པོ་ཉོན།། དཔེར་ན་བྲམ་ཟེ་གླང་ཆེན་བཞིན།། རྒྱལ་པོའི་བཀའ་ཡི་བཙན་ཕུལ་གྱིས།། བྲིད་བསྡིགས་གཡོ་སྦྲུས་ནོར་འདོད་པ།། སྲོག་སྙིང་མེད་པས་ཕན་མི་ཐོགས།། དེ་བཞིན་ངེས་པའི་ལུང་ལྡན
108a4 གྱིས།། གདམས་ངག་ཆོས་སྐུ་མ་བསྟན་ན།། ཐབས་དང་གཡོ་སྒྱུ་སྣ་ཚོགས་ཀྱིས།། བཀའ་རྐུན་སྐྱོན་གྱིས་ཆོས་བཙལ་ཡང་།། རང་སེམས་མི་རྟོགས་ངན་སོང་ལྷུང་།། དེ་ཡང་འདུས་པའི་སྙིང་པོ་ཉོན།། ཕྲག་དོག་མེད
108a5 པར་བཟང་སེམས་ཀྱིས།། སྲོག་སྙིང་རྒྱལ་པོ་ལ་བྱིན་ལ།། བྲམ་ཟེ་གསེར་གླང་འདྲ་གཉིས་བྱུང་།། གཉིས་ཀ་མངའ་ཐང་ཅི་བསམ་འགྲུབ།། དེ་བཞིན་བླ་མ་ལུང་ལྡན་ལ།། ཡིད་འཐད་དབུལ་ཞིང་ཅི་གསུང་ཉན།། ཤེས
108a6 རབ་རྣོ་ལ་གསང་ཐུབ་པ།། མན་ངག་སྙིང་པོ་གནང་བའི་ཕྱིར།། སློབ་མས་རང་སེམས་རྟོགས་པར་ངེས།། དེ་ཕྱིར་བླ་མ་བཀུར་བར་གཅེས།། ངེས་དོན་གནང་བའི་ཐབས་སུ་བཤད།། རྫོགས་པ་ཆེན་པོ་རྨད་བྱུང་དོན
iiif viewer powered by OpenSeadragon
