| e-texts navigator |
| Wylie |
107b1 དོན་རྒྱལ་བའི་དགོངས་པ་ཡིན།། བདེ་གཤེགས་རྣམས་ཀྱི་སྙིང་པོ་ཡང་།། སེམས་ཅན་ལུས་ལ་ཡོད་མོད་ཀྱང་།། ཤེས་པ་མ་མཐོང་ཙམ་དུ་བས།། དེ་མཐོང་ངེས་པའི་གདམས་ངག་ལ།། ཤེས་པ་རྟག་ཏུ་འབྲལ་བ
107b2 མེད།། ད་ཡང་འདུས་པའི་སྙིང་པོ་ཉོན།། མ་རིག་འཁྲུལ་པ་ཡོད་བཞིན་དུ།། འབྲས་བུ་སངས་རྒྱས་ཐུགས་ལ་གནས།། དེ་ཕྱིར་གཞན་ནས་འབྱུང་བ་མེད།། ཐོགས་མ་མ་ཡིན་དུས་འདིར་རང་།། དེ་ཡང་རང་རིག་ཡེ
107b3 ཤེས་ནི།། ཏིལ་ལ་མར་གྱིས་ཁྱབ་པ་བཞིན།། འགྲོ་དྲུག་ཀུན་ལ་རང་རིག་ཁྱབ།། སྐྱེ་འགག་མེད་པར་རྒྱུན་དུ་གནས།། དཔེར་ན་ས་གཏིང་ནམ་མཁའ་བཞིན།། འགྲོ་འོད་མེད་པར་ཆོས་སྐུ་གནས།། དེ་དོན་མ་རྟོགས
107b4 བློས་བསླད་ནས།། འཁོར་བར་འཁྱམས་པས་ཉམས་པ་མེད།། རང་རྒྱུད་རིག་པའི་ཡེ་ཤེས་ནི།། སྤྲིན་མེད་མཁའ་ལ་ཉི་ཤར་བཞིན།། འདུས་མ་བྱས་པའི་ཀློང་དཀྱིལ་ན།། རང་རིག་ཡེ་ཤེས་ཆོས་སྐུ་བཞུགས།། རིན
107b5 ཆེན་ག་འུར་འོད་ཟིམ་ལྟར།། ལུས་ཀྱི་ནང་ན་ཆོས་སྐུ་ཡོད།། ལུས་ཞིག་དྲན་པ་ལུགས་སུ་འཇུག། དེ་བཞིན་འཁོར་བའི་རྒྱུད་ཁ་འཁོར།། དོན་རྟགས་རང་རིག་གནས་སུ་ཆེ།། རིག་པ་རང་བྱུང་ངོ་བོ་དེ།། སེམས་ཅན
107b6 ཀུན་གྱི་ཡིད་ལ་གནས།། དེ་ཕྱིར་འཁོར་འདས་ཀུན་གྱི་གཞི།། རྫོགས་པ་ཆེན་པོ་རྨད་བྱུང་དོན་གྱི་སྙིང་པོ་རང་བྱུང་བདེ་བའི་འཁོར་ལོའི་རྒྱུད་ལས། སེམས་ཅན་ཀུན་ལ་གནས་ལུགས་བསྟན་པའི་ལེའུ་སྟེ་ལྔ
iiif viewer powered by OpenSeadragon
