| e-texts navigator |
| Wylie |
106b1 མཚན་ཉིད་འདྲ།། ཡོད་མེད་ཡུལ་གྱི་མཐའ་ལས་འདས།། དེ་དོན་རང་བཞིན་འོད་གསལ་བས།། གདོད་ནས་དག་པས་ནམ་མཁའ་འདྲ།། རྫོགས་པ་ཆེན་པོ་རྨད་བྱུང་དོན་གྱི་སྙིང་པོ་རང་བྱུང་བདེ་བའི་འཁོར་ལོའི་རྒྱུད
106b2 ལས། སྣང་མེད་དོན་གྱི་གནས་ལུགས་བསྟན་པའི་ལེའུ་སྟེ་གསུམ་པའོ།། །། རྡོ་རྗེ་སེམས་དཔའ་ཡང་ཉོན་ཅིག། རང་རིག་རྩ་བ་ཆོས་སྐུ་ལ།། ཡོན་ཏན་ལྷག་མ་མེད་པར་རྫོགས།། རང་བྱུང་སངས་རྒྱས་ཡེ
106b3 ཤེས་སྐུ།། མ་སྐྱེས་ཡོངས་སུ་གྲུབ་པའི་ལྷ།། ཆོས་རྣམས་ཀུན་གྱི་འབྱུང་གནས་ཏེ།། ངོ་བོ་དམིགས་མེད་བརྗོད་ལས་འདས།། ཡང་དག་ལྟ་བ་མཐར་ཕྱིན་པས།། ཕ་རོལ་ཕྱིན་པ་ཡེ་ནས་གནས།། སངས་རྒྱས་ཀུན་གྱི
106b4 སངས་རྒྱས་ལ།། འགྲོ་བ་ཡོངས་ཀྱི་ཁ་ལོ་བསྒྱུར།། བསྐྱེད་པ་མེད་པའི་འབྲས་བུ་ལ།། བྱས་པ་མེད་པའི་ཆོ་འཕྲུལ་འབྱུང་།། ཐམས་ཅད་རང་བྱུང་ང་ཡི་རྩལ།། ད་ཡང་རྡོ་རྗེ་སེམས་དཔའ་ཉོན།། དོན་ལ་འགྱུར་མེད་ལྟ
106b5 བའི་གཞི།། ཡུལ་ལ་མི་ལྟོས་རང་བྱུང་སྐུ།། ཡེ་ནས་ནམ་མཁའི་མཐའ་དང་མཉམ།། གཞི་ལས་འགྱུར་མེད་བྱང་ཆུབ་སེམས།། སྐྱོན་གྱིས་མ་གོས་དྲན་པ་ལ།། འཕོ་འགྱུར་མེད་པར་བརྡལ་བའི་སྒྲ།། མི་སྐྱེ་མི་འགག
106b6 རང་རིག་ཀློང་།། བསྒོམ་པས་མི་རྙེད་འགྱུར་མེད་ཕྱིར།། འབྲས་མེད་ད་ལྟ་ང་ཡི་ཐུགས།། བསྐལ་པར་འཁྱམས་ཀྱང་སྐྱེ་འཆི་མེད།། དེ་རྟོགས་རིག་པ་ཀུན་གྱི་གཞི།། མ་བསྒོམས་ཡེ་ཤེས་མཐར་ཕྱིན་པ།། རེ་བ་མེད
iiif viewer powered by OpenSeadragon
