| e-texts navigator |
| Wylie |
106a1 སྙིང་པོ་བྱུང་།། འབྱུང་བ་ཆེན་པོའི་སྔོན་རོལ་དུ།། ང་དང་ནམ་མཁའ་དུས་མཉམ་ཕྱིར།། སངས་རྒྱས་ཐམས་ཅད་ང་ཉིད་ཡིན།། བསྟན་པ་མེད་པའི་སྔོན་རོལ་དུ།། སངས་རྒྱས་པས་ཀྱང་རང་སེམས
106a2 སྔ།། ཐེག་པ་མེད་པའི་སྔོན་རོལ་དུ།། ལྟ་བའི་ཆོས་སུ་རང་སེམས་བྱུང་།། སྐྱེ་འཆི་མེད་པའི་སྔོན་རོལ་དུ།། མྱང་འདས་པས་ཀྱང་རང་སེམས་སྔ།། ཆོས་ཉིད་མེད་པའི་སྔོན་རོལ་དུ།། སྟོང་པ་ཉིད་ལས་རང་སེམས
106a3 སྔ།། བདེ་གཤེགས་མེད་པའི་སྔོན་རོལ་དུ།། སེམས་ཅན་ལས་ཀྱང་ཆོས་སྐུ་སྔ།། མཚོན་ཚིག་མེད་པའི་སྔོན་རོལ་དུ།། ཐ་སྙད་པས་ཀྱང་དོན་འདི་སྔ།། ང་ནི་རྒྱུ་མེད་འབྲས་བུ་སྟེ།། རང་བྱུང་རྒྱུ་མེད་སྙིང་པོ་ཡིན།། དེ
106a4 ཕྱིར་མི་སྐྱེ་དོན་མི་བགག། སྐྱེ་འཆི་མེད་པ་རྡོ་རྗེ་འཆང་།། ང་ནི་ནམ་མཁའི་རང་བཞིན་ཏེ།། བག་ཆགས་མ་བརྟགས་ས་ཆུ་མེད།། གཟུགས་མེད་ཡེ་ཤེས་ངོ་བོ་ལ།། རླུང་མེད་མེ་ནི་ཅི་ལ་འབྱུང་།། དེ་ཕྱིར་ངོ་བོ་ཉིད་ཀྱི
106a5 སྐུ།། དེ་ཡང་རྡོ་རྗེ་སེམས་དཔའ་ཉོན།། རང་བྱུང་ངོ་བོ་ཉིད་ལ་ནི།། རྒྱུ་མེད་མ་སྐྱེས་ཡང་དག་ཡོད།། སྒྲོ་སྐུར་བྲལ་བའི་རིག་པ་ལ།། འཕེལ་འགྲིབ་མེད་པས་རྒྱུན་དུ་གནས།། ཡང་དག་བྱང་ཆུབ་སྙིང་པོ་ལ།། ཐོགས་པ
106a6 མེད་ཅིང་སྤང་བ་མེད།། འཁོར་འདས་གཉིས་ཀྱིས་འཛིན་པ་དེ།། ཐ་སྙད་ཡིན་ཏེ་དོན་དུ་མེད།། ཆོས་སྐུ་མཚན་ཉིད་རྣམ་པར་དག། བདག་མེད་ཆོས་ལ་སྐྱེ་འཆི་མེད།། ངོ་བོ་ཉིད་ལ་བསྒོམ་མི་དགོས།། མར་མེ་རང་གི
iiif viewer powered by OpenSeadragon
