| e-texts navigator |
| Wylie |
104b1 ལ།། བདེན་པ་ཡིད་ཀྱིས་དེ་སྐད་གསོལ།། ངེས་དོན་བཤད་དུས་གང་ལ་བབ།། སྣོད་ཀྱི་རིམ་པ་གང་ལ་བསྟན།། ཚིག་དང་ཡི་གེས་ཇི་ལྟར་མཚོན།། ཀུན་རིག་རྒྱལ་པོས་བཤད་དུ་གསོལ།། དེ་སྐད་ཞུས་པའི་དོན
104b2 གསན་ནས།། འདུས་པའི་འཁོར་ལ་བཀའ་སྩལ་པ།། ལེགས་སོ་དད་ལྡན་འཁོར་རྣམས་ཉོན།། དེ་དོན་ངས་བཤད་ཡིད་ཀྱིས་ཟུང་།། དུས་ཀྱི་ཐ་མ་ལྔ་བརྒྱ་ན།། མནའ་ཟ་ཁྲིམས་འཆལ་དམ་ཉམས་འབྱུང་།། མཚོན
104b3 དང་མུ་གེ་ཚེ་ཟུང་དུས།། རྫོགས་ཆེན་སྙིང་པོ་དུས་དེར་བཤད།། དེ་ཡང་རྡོ་རྗེ་སེམས་དཔའ་ཉོན།། དེ་ཡང་དུས་ཀྱི་དེ་སང་ན།། སངས་རྒྱས་བསྟན་པ་འཇིག་པའི་ཚེ།། འཛམ་གླིང་བོད་ཀྱི་བྱང་ཕྱོགས་སུ།། རྒྱུད་དང
104b4 ཏནྟ་མང་པོ་འབྱུང་།། ལུང་དང་སེམས་ཀྱི་ཆོས་དར་ཏེ།། སྡེ་སྣོད་ཆོས་ཀུན་ནུབ་འགྱུར་ཞིང་།། དེ་ཚེ་སྐལ་ལྡན་འགའ་འགའ་ལ།། བསྟན་པ་ཙམ་གྱིས་རྟོགས་པ་ཡི།། འབྲས་བུ་སངས་རྒྱས་དུས་འདིར་འབྱུང་།། ད་ཡང
104b5 འདུས་པའི་འཁོར་རྣམས་ཉོན།། དད་ལྡན་སློབ་མ་བརྩེ་གདུང་ཅན།། མངགས་པའི་ལས་ལ་གུས་པར་བྱེད།། ཡིད་འཐད་རྫས་ལ་ཕངས་མེད་དབུལ།། མི་སྤེལ་གཉེར་ཐུབ་རྣམས་ལ་བཤད།། དེ་དང་མི་ལྡན་སྣོད་ངན
104b6 ནི།། གྱོང་ལ་ཁེངས་པའི་ང་རྒྱལ་ཅན།། སེར་སྣ་ཆེ་ལ་གཏོང་ཕོད་ཆུང་།། མན་ངག་སྲེད་ཆེན་ཀུན་ལ་སྤེལ།། ཕྱི་ཐག་ཆུང་ཞིང་བླ་མ་སྨོད།། ཟས་ལ་ངན་ལ་ནོར་དད་ཆེ།། ཆོས་ལ་རང་བཟོ་རིག་པ་འཇུག། རང་རྒྱུད་མ
iiif viewer powered by OpenSeadragon
