| e-texts navigator |
| Wylie |
104a1 ཀ་གརྦྷ་མ་སུ་ཁ་ཙཀྲ་ཏནྟྲ་ནཱ་མ། བོད་སྐད་དུ། རྫོགས་པ་ཆེན་པོ་རྨད་བྱུང་དོན་གྱི་སྙིང་པོ། རང་བྱུང་བདེ་བའི་འཁོར་ལོའི་རྒྱུད་ཅེས་བྱ་བ། བཅོམ་ལྡན་འདས་དཔལ་རང་བྱུང་རིག་པའི་རྒྱལ་པོ་ཡེ་ཤེས
104a2 ཀྱི་སྐུ་དང་ལྡན་པ་དེ་ལ་ཕྱག་འཚལ་ལོ།། འདི་སྐད་གསུངས་པའི་དུས་གཅིག་ན།། ངོ་བོ་ཉིད་རྟོགས་ཀུན་བཟང་དེ།། བདེ་གཤེགས་འོག་མིན་གནས་མཆོག་ཏུ།། རིགས་ལྔ་རྒྱལ་བ་ལ་སོགས་པ།། རང་ཤར་ཆོས་སྐུ
104a3 བྱིན་རླབས་བཤད།། དེ་ཚེ་སེམས་དཔས་དོན་རིག་ནས།། གཙང་རིས་ལྷ་ཡི་གནས་ཆེན་དུ།། བརྩེ་དགོངས་དུས་ལ་བབ་གྱུར་ནས།། རིག་འཛིན་སེམས་དཔའི་འཁོར་རྣམས་ལ།། ངེས་དོན་རང་གི་ངོ་བོས་བཤད།། དེ
104a4 ནས་ཤཱཀ་ཐུབ་སྤྲུལ་པ་ཡིས།། འཛམ་གླིང་བདེ་ལྡན་གནས་དག་ཏུ།། དད་ལྡན་དུས་ཀྱི་དེ་སོང་ན།། གསང་བདག་སྤྲུལ་པའི་དད་ཉན་ལ།། སྡེབ་སྦྱོར་ལེགས་པའི་ཚིག་ཏུ་གསུངས།། ད་ཡང་སྟོན་པའི་འཁོར་རྣམས
104a5 ཉོན།། སྐད་ཅིག་ཡུད་ཙམ་ཐང་གཅིག་ལ།། གདུལ་བྱའི་འཁོར་ལ་ཐ་དད་ཀྱང་།། དུས་གསུམ་གཅིག་སྟེ་ཁྱད་མེད་ཕྱིར།། རིམ་པར་དབྱེར་མེད་ངོ་བོས་གཅིག། དེ་སྐད་གསུངས་པའི་དོན་གོ་ནས།། སྐལ་ལྡན་འདུས
104a6 པ་རྣསམ་ཀྱིས་ཀྱང་།། གུས་ཉན་དད་པས་རྩེ་གཅིག་ཏུ།། དད་ཅིང་མོས་པའི་ཡིད་ཀྱིས་འཁོད།། དེ་ནས་རྡོ་རྗེ་སེམས་དཔའ་ཡིས།། འདུས་པའི་འཁོར་ལ་ཕན་གདགས་ཕྱིར།། ཀུན་རིག་སེམས་ཀྱི་རྒྱལ་པོ
iiif viewer powered by OpenSeadragon
