| e-texts navigator |
| Wylie |
100b1 བཞི་དག་ན་བརྒྱད་བརྒྱད་གནས།། དགེ་སྦྱོང་བརྒྱད་དང་བྲམ་ཟེ་བརྒྱད།། ཡུལ་རྣམས་ན་ནི་གྲོང་རྡལ་བརྒྱད།། དབང་པོར་བཅས་པའི་ལྷ་བརྒྱད་རྣམས།། དེ་དག་ཁྱེད་ལ་ཀུན་ཏུ་སྲུངས།། ཁྱེད་ཅག་འགྲོ་ནའང་བཀྲ
100b2 ཤིཤེས་གྱུར།། ལྡོག་པ་ན་ཡང་བཀྲ་ཤིས་ཤོག། གཉེན་ལ་ལྟ་བ་བཀྲ་ཤིས་ཤོག། གཉེན་གྱིས་ལྟ་བའང་བཀྲ་ཤིས་ཤོག། དབང་བཅས་གནོད་སྦྱིན་རྒྱལ་ཆེན་དང་།། དགྲ་བཅོམ་པ་དག་སྙིང་བརྩེ་བས།། ཐམས་ཅད་དུ་ནི
100b3 བཀྲ་ཤིས་དང་།། བདུད་རྩི་ཤིས་པ་ཐོབ་པར་ཤོག། ཚངས་པ་དག་ནི་དེ་བཞིན་ནོར་རྒྱས་དང་།། ཟག་པ་མེད་པ་རྣམ་པར་གྲོལ་རྣམས་དང་།། ཀླུ་དང་གནོད་སྦྱིན་རྟག་ཏུ་སྙིང་རྗེས་སྲུངས།། སྟོན་བརྒྱ་མཚུངས་པར་ཚེ།
100b4 ནི་སྐྱོང་བར་ཤོག། འཕགས་པ་རྒྱ་ཆེ་རོལ་པའི་མདོའི། ཚོང་དཔོན་ག་གོན་དང་བཟང་པོའི་ལེའུ་ལས་བྱུང་བ། ཤིས་པར་བརྗོད་པའི་ཚིགས་སུ་བཅད་པ་རྫོགས་སོ།། །། @#།། རྒྱ་གར
100b5 སྐད་དུ། པཉྩ་ཏ་ཐཱ་ག་ཏ་མངྒ་ལ་ག་ཟ། བོད་སྐད་དུ། དེ་བཞིན་གཤེགས་པ་ལྔའི་བཀྲ་ཤིས་ཀྱི་ཚིགས་སུ་བཅད་པ། དཀོན་མཆོག་གསུམ་ལ་ཕྱག་འཚལ་ལོ།། རྣམ་པར་སྣང་མཛད་ཡེ་ཤེས་དམ་པ་མཚོ་ཆེན་ལྡན།། ཟླ
100b6 བ་ཉ་འདྲའི་སྐུ་མངའ་སྲིད་པའི་མཐར་ཕྱིན་པ།། དགོངས་པ་མཐའ་དག་རྫོགས་པའི་བཀྲ་ཤིས་གང་ཡིན་པ།། བཀྲ་ཤིས་དེས་ནི་སྐྱེ་དགུ་རྣམས་ལ་ཞི་བྱེད་ཤོག། མི་འཁྲུགས་རྒྱལ་པོ་སྲིད་དང་གཏི་མུག་རྣམ་སྦྱོང
iiif viewer powered by OpenSeadragon
