| e-texts navigator |
| Wylie |
100a1 དང་།། ནམ་གྲུ་དང་ནི་ཟ་སྐར་དང་།། བྲེ་ཉེ་དང་ནི་བདུན་པ་ཡིན།། རྒྱུ་སྐར་བདུན་པོ་དེ་དག་ནི།། འཇིག་རྟེན་སྐྱོང་བ་གྲགས་ལྡན་པ།། བྱང་ཕྱོགས་ལོགས་ན་ཡོད་ཅེས་བསྟན།། དེ་དག་ཁྱེད་ལ་ཀུན་ཏུ
100a2 སྲུངས།། དེ་དག་བདག་པོ་རྒྱལ་པོ་ནི།། མི་ལ་ཞོན་པ་ལུས་ངན་པོ།། གནོད་སྦྱིན་ཀུན་གྱི་བདག་པོ་སྟེ།། ནོར་བཟང་ལྷན་ཅིག་སྲུང་བར་ཤོག། དེ་ལ་བུ་ནི་མང་ཡོད་ལ།། མཁས་ཤིང་མིང་ཡང་མཐུན་པ་སྟེ།། དགུ་བཅུ
100a3 རྩ་གཅིག་ཟད་པར་ཡང་།། དབང་པོ་ཞེས་བྱ་སྟོབས་པོ་ཆེ།། དེ་དག་ཁྱེད་ལ་ནད་མེད་ཅིང་།། ཤིས་པ་ལྷག་པར་སྐྱོང་གྱུར་ཅིག། བྱང་ཕྱོགས་ལོགས་ཀྱི་ཕྱོགས་ཆ་ན།། ལྷ་མོ་གཞོན་ནུ་བརྒྱད་ཡོད་དེ།། རབས་ཆགས་ལྷ
100a4 མོ་སྟོང་ལྷ་མོ།། ས་དང་དེ་བཞིན་པདྨ་ཅན།། རྒྱལ་པོ་ཆེ་ལ་ཉེ་གནས་དང་།། རེ་དང་ཁྲེ་ཡོད་དཔལ་ལྡན་མ།། དེ་དག་ཁྱེད་ལ་ནད་མེད་ཅིང་།། ཤིས་པ་ལྷག་པར་སྐྱོང་བར་ཤོག། བྱང་ཕྱོགས་ལོགས་ཀྱི་ཕྱོགས་ཆ
100a5 ན།། སྤོས་དང་ལྡན་པའི་རི་བོ་ཡོད།། གནོད་སྦྱིན་འབྱུང་པོ་ཀུན་གྱི་གནས།། རྩེ་མོ་སྣ་ཚོགས་ལྟ་ན་སྡུག། དེ་ཡང་ཁྱེད་ལ་ནད་མེད་ཅིང་།། ཤིས་པ་ལྷག་པར་སྐྱོང་གྱུར་ཅིག། ཕྱོགས་ན་ཁྱེད་ཅག་བདེ་བར་ཤོག། ཁྱེད
100a6 ཅག་སྡིག་པར་མ་གྱུར་ཅིག། ལྷ་རྣམས་ཀུན་གྱིས་རབ་བསྲུངས་ནས།། ནོར་རྣམས་རྙེད་དེ་ལྡོག་པར་ཤོག། རྒྱུ་སྐར་ཉི་ཤུ་རྩ་བརྒྱད་པོ།། ཕྱོགས་བཞི་དག་ན་བདུན་བདུན་གནས།། ལྷ་ཡི་བུ་མོ་སུམ་ཅུ་གཉིས།། ཕྱོགས
iiif viewer powered by OpenSeadragon
