| e-texts navigator |
| Wylie |
65a1 པེ། པྲཥྤེ། ཨཱ་ལོ་ཀེ། གྷནྡྷེ། ནེ་བིདྱ། ཤཔྟ་རཏྣ་པཱ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཨཱ་ཧཱུཾ། ཞེས་བརྗོད་པས་མཆོད་དོ།། ཉ་ཤ་ལ་སོགས་པའི་ཚུལ་དུ་དམ་རྫས་ཀྱི་མཆོད་པ་ཕུལ་བ་ནི། ལྕགས་བར་གྱི
65a2 ནང་དུ་དཀར་གསུམ་དང་། མངར་གསུམ་དང་། ལ་དུ་དང་། ལ་ཕུག་དང་། སྒོག་བཙོང་དང་། རྒུན་འབྲུམ་དང་། འབྲུ་ཐུག་དང་། འབྲས་ཆན་དང་། ཁུར་བ་དང་། ཤིང་ཐོག་སྣ་ཚོགས་དང་། དེ་རྣམས་ལྕགས་པར་གྱི
65a3 ནང་དུ་བསགས་ནས། དར་མཐིང་ནག་གིས་ཁ་བཅད་དེ། འདི་སྐད་ཅེས་ལྷ་རྣམས་ཀྱིས་བསྐུལ། མེ་ཏོག་ཕྲེང་བ་ལ་སོགས་རིན་ཆེན་དབྱིག། ལ་དུ་ལ་ཕུག་ལ་སོགས་ཡོད་པ་ནི།། རང་སྦྱིན་འབྲས་བུའི་ཟས་ལ
65a4 སོགས།། ཕྱོགས་བཅུའི་ཆུ་སྐྱེས་ཐང་སྐྱེས་མེ་ཏོག་ལོངས་སྤྱོད་རྒྱན།། རིས་སུ་མ་བཅད་ལོངས་སྤྱོད་རྒྱས་པར་འབུལ།། དཀྱིལ་འཁོར་དམ་པ་མཛེས་པ་དང་།། བཤོས་གཙང་མར་མེ་སྤོས་སྣ་ཚོགས།། རྒུན་ཆང་ལ
65a5 སོགས་བཏུང་བའི་མཆོག། སྦྲང་རྩི་ལ་སོགས་མངར་བའི་དབྱིག། སྣ་ཚོགས་མཆོད་པ་འདི་དག་བཞེས།། དངོས་སུ་འབྱོར་དང་ཡིད་ཀྱིས་སྤྲུལ།། གཟུགས་དང་སྒྲ་དང་དྲི་རོ་རེག། ཆོས་ལ་སོགས་པའི་མཆོད་པ
65a6 ཀུན།། མགོན་པོ་འཁོར་བཅས་སྐུ་ལ་འབུལ།། ཞེས་པས་ཕུལ་ལོ།། རྩུབ་འགྱུར་ཚལ་དུ་ཆང་གི་མཆོད་པ་དང་།། ནང་གི་མཆོད་པ་ཕུལ་བ་ནི།། གཡུ་དྲི་མྱོས་བྱེད་ཆང་། སྐྱེ་འགྲོའི་འབྲུ་བཅུད། བདུད་རྩི་བཅུད་ཀྱི་ཟས།།
iiif viewer powered by OpenSeadragon
