| e-texts navigator |
| Wylie |
64a1 གཤེགས་མཆོད་པ་བཞེས།། དད་པ་དང་ནི་དམ་ཚིག་གིས།། ཚུར་གཤེགས་མ་ཧཱ་ཀ་ལ་ཆེ།། གནས་རི་རབ་རྩེར་གཤེགས་བཞུགས་སུ་གསོལ།། བདག་ཅག་གསོལ་འདེབས་འདིར་གཤེགས་མཆོད་པ
64a2 བཞེས།། ཨོཾ་ཤྲཱི་མ་ཧཱ་ཀཱ་ལ་ཛཿཧཱུཾ་བཾ་ཧོཿཧཱུཾ་ཕཊ། ཅེས་པས་ལྷ་རྣམས་ཀྱིས་གདུང་བའི་དབྱངས་བླངས་པས། རང་དབང་མེད་པར་འཁོར་བཅས་བསྐྱོད་དེ་བྱོན་ནོ།། དེ་ནས་རྣམ་པར་རྒྱལ་བའི་ཁང་བཟང་དུ་ལྷའི་དབང
64a3 པོ་བརྒྱ་བྱིན་གྱིས། གདན་རིན་པོ་ཆེ་ཉི་ཟླ་པདྨ་དང་ལྡན་པ་ཕུལ་ནས། དར་མཐིང་ནག་གི་གུར་ཕུབ་ནས། འདི་སྐད་ཅེས་གསོལ་ཏོ།། ཧཱུཾ། ཡེ་ཤེས་མཁའ་འགྲོ་སྔོན་པོའི་མདོག་ཏུ་གྱུར།། སྐུ་མདོག་སྔོ་ནག་དབྱར་གྱི
64a4 སྤྲིན་ལྟ་བུ།། དུག་གསུམ་མ་ལུས་མུན་ཁམས་འཇོམས་མཛད་པའི།། མ་ཧ་ཀ་ལ་ཁྱེད་ཉིད་དགྱེས་ཤིང་བརྟན་པར་བཞུགས།། འདིར་གཤེགས་གདན་ལ་བཞུགས་ནས་ཀྱང་།། འཇིག་རྟེན་པ་དང་མཐུན་འཇུག
64a5 ཕྱིར།། ཕྱག་དང་ཞབས་གཉིས་བསིལ་བར་མཛོད།། ཨོཾ་ཤྲཱི་མ་ཧཱ་ཀཱ་ལ་རཱུ་པ་ཧཱུཾ། ས་མ་ཡ་ཏིཥྛ་ལྷན། ཨཱ་པེ་ཤ་ཡ་ཨ། ཞེས་བཞུགས་སུ་གསོལ་ནས། ལྷ་རྣམས་ཀྱིས་ཕྱག་བྱས་པ། ཧཱུཾ། མཉམ་ཉིད་མཐུ་མངའ་གཏུམ
64a6 ཆེན་མེ་ལྟར་འབར།། མ་རུངས་འཇོམ་མཛད་ལྷ་མིན་དབང་དུ་སྡུད།། མཐར་བྱེད་གཞོན་ནུ་འཇིགས་པའི་གད་རྒྱངས་ཅན།། སྐལ་ལྡན་དཔའ་བོ་ཁྱོད་ལ་ཕྱག་འཚལ་ལོ།། ལྷ་མིན་དམག་ཚོགས་གཡུལ་བཟློག
iiif viewer powered by OpenSeadragon
