| e-texts navigator |
| Wylie |
61b1 གཅིག་པུ་ཉིད་དུར་ཁྲོད་ན་བཞུགས་པ་ལས། རྫུ་འཕྲུལ་གྱི་མཐུ་མངོན་པར་བྱུང་བ་ཞེས་བྱ་བ་སྤྲུལ་པའི་སྐུའི་བརྟུལ་ཞུགས་མཛད་སྟེ། ཕྱག་མང་པོ་དང་ཞབས་མང་པོར་སྤྲུལ་ཏེ།། རྫུ་འཕྲུལ་གྱིས་གར་མཛད་ནས་རི
61b2 རབ་གླིང་བཞི་ཐམས་ཅད་ལྡེག་པར་མཛད་དོ།། དེའི་ཚེ་ལྷའི་བུ་དབང་པོ་བརྒྱ་བྱིན་གྱིས་རི་རབ་ཀྱི་རྩེ་ནས་གཟིགས་སོ།། ལྷའི་དབང་པོ་ཉིད་སྐྱེས་བུ་དེའི་རྫུ་འཕྲུལ་དེ་ལ་ཡ་མཚན་དུ་གྱུར་ཏེ་འདི་སྙམ་དུ་སེམས
61b3 སོ།། མ་གི་ནི་ངས་རི་རབ་ཀྱི་ཁ་ལ་སྤྱན་དྲང་ལྷ་རྣམས་ཀྱི་དམག་དཔོན་བྱས་ལ། ལྷ་མ་ཡིན་དང་འཐབ་པའི་གཡུལ་བཟློག་ན་སྙམ་སྟེ། སྐྱེས་བུ་ཆེན་པོ་དེ་མཁའ་འགྲོ་མ་རྣམས་ཀྱིས་འདུལ་བར་གཟིགས་ནས། མཁའ
61b4 འགྲོ་མ་རྣམས་ནི་མི་སྡུག་པའི་གཟུགས་ཅན་ཡིན། ལྷའི་བུ་མོ་ནི་མཛེས་ལ་ཡིད་དུ་འོང་བ་ཡིན། ལྷའི་བུ་མོ་གཅིག་གིས་བྲིད་ལ་དགུག་གོ་སྙམ་ནས། ལྷ་དཔལ་འཆང་གར་ཀཱིརྟི་ཀ་ཏི་གའི་བུ་མོ་ཨུ་མ་ཡང་། དབུ་མ་དེ
61b5 བ་ཞེས་བྱ་བ་གཟུགས་མཛེས་ཤིང་ལྟ་ན་སྡུག་པ་གཅིག་ཡོད་དེ། དེ་ལ་ལྷ་མོ་ནི་རྒྱན་སྣ་ཚོགས་པས་བརྒྱན་ནས། ལྷའི་དབང་པོ་བརྒྱ་བྱིན་གྱིས་དེ་ལ་འདི་སྐད་ཅེས་བཀའ་བསྒོའོ།། ཁྱོད་སོང་ལ་མ་གི་ན་སྐྱེ་བུ་དཔའ་བོ
61b6 རྫུ་འཕྲུལ་ཅན་ཅིག་ཡོད་དེ་ཁུག་ལ་ཤོག་ཅིག། ལྷའི་དམག་དཔོན་བྱས་ལ་ལྷ་མ་ཡིན་གྱི་གཡུལ་ཕམ་པར་བྱའོ།། མ་ཁུགས་པར་དུ་ཁྱོད་རང་མ་འོང་བར་སྡོད་ལ་གསོལ་བ་ཐོབ་ཅིག་ཅེས་བཀའ་བསྒོ་ནས
iiif viewer powered by OpenSeadragon
