| e-texts navigator |
| Wylie |
60a1 ནས་གསོས་སོ།། གླིང་བར་གྱི་རྒུན་འབྲུའི་ས་ནས་རྒུན་ཆང་བྱས་སོ།། གླིང་བར་གྱི་སྒོག་བཙོང་བསྟབས་ནས་དེ་རྣམས་ཀྱིས་བུ་གསོས་སོ།། དེ་ལྟར་གསོས་པས་བུ་དེ་ཡང་སྐྱེ་དྲག་ལ་གཟུགས་བཟང་བ
60a2 གཅིག་བྱུང་སྟེ། རིང་པོར་མ་ཐོགས་པར་ཚར་བར་གྱུར་རོ།། བུ་དེས་མ་དེ་ལ་སྨྲས་པ། མ་གཅིག་བདག་ལ་ཕ་མེད་དམ་ཞེས་དྲིས་པ་དང་། མས་སྨྲས་པ། ཕ་སྲིན་པོ་ཡིན་ཏེ་འདས་སོ།། བུས་སྨྲས་པ། དེ་ལྟར་ཡིན་ན་ང
60a3 ཅག་མ་སྨད་སྡུག་པས་རྟེན་མེད་པའི་གནས་འདིར་མི་སྡོད།། རོ་ལངས་ཀྱིས་བསད་པར་འོངས་པས། དུར་ཁྲོད་འདིའི་ལྷོ་ཕྱོགས་ན་རི་མ་ལ་ཡ་མངོན་པར་འཕགས་པ་ཞེས་བྱ་བ་ལ། དགེ་སློང་བདེ་ལྡན་དཔའ་བོ་ཞེས
60a4 བྱ་བ། འཕགས་པ་འཇམ་དཔལ་གྱི་སྤྲུལ་པ་ཡིན་ཏེ། ཤིན་ཏུ་ཉིན་མོ་ཞི་ཞིང་ཉན་ཐོས་ཀྱི་ཆ་ལུགས་སུ་ཞུགས་ནས། ཆོས་ཉིད་རྣམ་པར་དག་པའི་མི་རྟོག་པའི་དོན་སྒོམ་མཚན་མོ་ནི་ལུས་གཅེར་བུར་བྱས་ནས། རུས
60a5 པའི་རྒྱན་གྱིས་བརྒྱན་ནས།། དུར་ཁྲོད་ཁྲག་གི་མཆོད་པ་བཤམས་ནས། འཁོར་མཁའ་འགྲོ་མའི་ཚོགས་བསྡུས་ནས་གླུ་དང་གར་དུ་བཅས་ནས། དཔལ་བདེ་བ་ཆེན་པོའི་མདུན་གྱི་ནམ་མཁར་མཆོད་པ་མངོན་སུམ་དུ
60a6 མཛད་ནས། དེའི་དངོས་གྲུབ་རྣམ་པ་སྣ་ཚོགས་ལ་དབང་ཐོབ། རྫུ་འཕྲུལ་གྱི་མཐུ་རྣམ་པ་སྣ་ཚོགས་ལ་མངའ་བརྙེས་པ་ཞིག་བཞུགས་སོ།། ང་ཅག་མ་སྨད་དེའི་དྲུང་དུ་འདོང་། དེ་ལ་སྐྱབས་སུ་གསོལ་ལ་དངོས་གྲུབ
iiif viewer powered by OpenSeadragon
