| e-texts navigator |
| Wylie |
59b1 བདུན་གྱིས་སུ།། རྗེས་སུ་ཞུགས་ནས་བསྒྲུབ་ན་ཇི་ལྟར་ལགས་ཞེས་པས།། བཅོམ་ལྡན་འདས་ཀྱི་བཀའ་སྩལ་པ།། ལེགས་སོ་ལེགས་སོ་ལེགས་ལྡན་ནག་པོ་ཁྱོད།། ཁྱོད་ཀྱི་དོན་ནི་ངས་བཤད་ཀྱིས།། ལེགས་ཤིང
59b2 གུས་པའི་ཡིད་ཀྱིས་ཉོན།། ཞེས་པས། གླེང་གཞི་གླེང་བསླངས་དང་བཅས་པའི་ལེའུ་སྟེ་དང་པའོ།། །། དེ་ནས་བཅོམ་ལྡན་འདས་ཀྱིས་བཀའ་སྩལ་པ། ཁྱོད་སྔོན་དུར་ཁྲོད་གཏུམས་པར་གྲགས་པ་ཞེས་བྱ
59b3 བ་ན། ཨ་སུ་རའི་ཤིང་གི་བདག་པོ་དང་། དུར་ཁྲོད་ཀྱི་བདག་པོ་དང་། རོ་ལངས་དང་། མཁའ་འགྲོ་མ་དང་། འབྱུང་པོ་དང་། ཡི་དྭགས་དང་། ཤ་ཟ་དང་། འདྲེ་ལ་སོགས་ལ་གནས་པའི་ཕྱོགས་དེ་ན། སྲིན་པོའི་རྒྱལ
59b4 པོ་ཡག་ཤ་ཧ་རི་ཞེས་པ། རྫུ་འཕྲུལ་གྱི་མཐུ་དང་ལྡན་ཅིང་བཞུགས་སོ།། སྲིན་པོའི་རྒྱལ་པོ་དེས། རྒྱལ་ཆེན་རིས་བཞིའི་ལྷའི་རྒྱལ་པོའི་བུ་མོ་གཅིག་བརྐུས་ནས། དུར་ཁྲོད་དེར་ཁྲིད་ནས་རང་དབང་མེད་པར་ཆུང
59b5 མ་བྱས་སོ།། དུས་དེ་ནས་ཟླ་བ་བདུན་ལོན་ནས་སྲིན་པོའི་རྒྱལ་པོ་དེ་ཚེའི་དུས་བྱས་ནས་འདས་སོ།། དེར་ལྷའི་བུ་མོ་དེ་ལ་སྲོན་པོའི་བུ་ཞུགས་ཏེ། དེར་ལྷའི་བུ་མོ་དེ་སྲིན་པོའི་ཆུང་མར་གྱུར་པས་སུས་ཀྱང་མ་འདོད
59b6 དོ།། དེར་མོ་གཅིག་པུར་ལུས་པ་ལས་སྲིན་པོའི་ཕྲུ་གུ་སྐྱེས་པར་གྱུར་ཏོ།། དེར་མོའི་བུ་དེ་སྙིང་རྗེ་བར་ཚོར་ནས། རང་གི་ལུས་དེའི་ལྷའི་རྒྱན་ཕོག་སྟེ། ནོར་བུ་རིན་པོ་ཆེ་གཅིག་དང་། གླིང་བར་གྱི་ཉ་པ་ལ་ཉ་ཚོང་བྱས
iiif viewer powered by OpenSeadragon
