| e-texts navigator |
| Wylie |
56a1 སྟེ།། གསང་བ་མཆོག་གི་བདག་པོ་ལ།། ཁམས་གསུམ་མཐུ་ཆེན་བདག་པོ་སྟེ།། མ་ཧཱ་ཀཱ་ལ་ཁྱོད་ལ་འདུད།། གང་དག་གསང་བའི་སྙིང་པོ་ལ།། མོས་སམ་ཡིད་ལ་བྱེད་པ་ཡིས།། ཁམས་གསུམ་དབང
56a2 དུ་སྡུད་པ་དང་།། སྲིད་གསུམ་ཟིལ་གྱིས་གནན་པ་དང་།། མེ་དང་རྒྱལ་པོ་ཆུ་དང་དུག། མ་རུངས་གཅན་གཟན་ལ་སོགས་པ།། འཇིགས་པ་ཆེ་ལས་ཡོངས་སུ་ཐར།། ཚེ་དང་དབང་ཐང་ལ་སོགས་པ།། ལོངས་སྤྱོད
56a3 འཕེལ་ཞིང་དབུལ་བ་སེལ།། དཔག་བསམ་ལྗོན་བཞིན་རྒྱས་པ་དང་།། ནད་དང་སྡུག་བསྔལ་རབ་ཞི་ནས།། འཇིག་རྟེན་མི་ནུབ་རྒྱལ་མཚན་དུ།། གྲགས་པ་ཆེན་པོ་བླ་མེད་འགྱུར།། མགོན་པོ་གསང་བ་སྙིང་གི་འཁོར
56a4 ལོ་ནག་པོའི་རྒྱུད་ལས། མགོན་པོ་ལ་ཕྲིན་ལས་བཅོལ་བ་དང་། བསྟོད་པ་དང་ཡོན་ཏན་བསྟན་པའི་ལེའུ་སྟེ་རྟོག་པ་བདུན་པའོ།། །། མགོན་པོ་ནག་པོ་མོ་རྒྱུད་གསང་བ་དངོས་གྲུབ་འབྱུང་བ་ཞེས་བྱ་བ། བོད
56a5 ཀྱི་བརྗེ་ཁྲི་བཅན་རྡོ་རྗེ་ལ་གཏད་པའོ།། ས་མ་ཡ། རྒྱ་རྒྱ་རྒྱ། ཀ་ཟག་ཀྱ། རྒྱ་རྒྱ་རྫོགས་སོ།། །། དེ་ནས་གནོད་སྦྱིན་ཆེན་པོ་རྣམ་ཐོས་སྲས་ཀྱིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ།། མ་ཧཱ་ཀ་ལ
56a6 ཁྲོས་པ་ཆེ།། རྣལ་འབྱོར་ཀུན་གྱི་མགོན་གྱུར་པ།། ཉིད་ཀྱི་སྒྲུབ་པ་དེ་ལྟར་ན།། སྤྲུལ་པ་སྲོག་གཤེད་ལས་མཁན་དེ།། སྒྲོལ་བྱེད་ཤན་པའི་ལས་མཁན་གང་།། རྡོ་རྗེ་གཏུམ་པོས་བཀའ་སྩལ་པ།། མ་ཧཱ་ཀ་ལ་འོད་འབར
iiif viewer powered by OpenSeadragon
