| e-texts navigator |
| Wylie |
55a1 @། ཆེ།། ཆིབས་སུ་དཔའ་བོ་སྟག་ལ་བཅིབས།། ཕྱག་ན་ཙནྡན་བིང་ཆེན་བསྣམས།། གསོར་ཞིང་ཀླད་པའི་རྒྱས་སུ་འདེབས།། སོང་ཞིག་ཁོང་གི་སྙིང་ཕྱུང་ཞིག། ལྷ་ཆེན་མགོན་པོ་ནག་པོ་ཁྱོད།། ང་ལ་སྡང
55a2 བའི་དགྲ་བོ་འདི།། མྱུར་དུ་སོད་ལ་རྣམ་པར་རྒྱོབ།། སྒྲོ་རུ་ཆུག་ལ་འབོག་ཏུ་ཆུག། ལྷ་ཆེན་མགོན་པོ་ནག་པོ་དང་།། ལྷ་མོ་ནག་མོ་གཉིས་སུ་མེད།། ལྷ་མོ་ནག་མོ་གཤེགས་སུ་གསོལ།། ལྷ་མོ་ནག་མོ་ཆེན་པོ་སྟེ། སྐུ
55a3 མདོག་དམག་ནག་རལ་པ་ཅན།། གཡས་ན་བདུད་ཀྱི་ཁྲམ་ཤིང་བསྣམས།། གཡོན་ན་ནད་ཀྱི་རྐྱལ་པ་ཐོགས།། ཆིབས་སུ་དྲེའུ་རྟ་རྐང་གསུམ་ཆིབས།། དྲ་བ་དགུ་ཡི་ཧེ་ལེ་བཀལ།། ཁྱོད་ཀྱི་ཐུགས་དམ་དུས་ལ
55a4 བབ།། སྐུ་ཡི་སྤྲུལ་པའི་ལས་མཁན་ནི།། མུན་པ་ནག་པོ་གཏུམ་བག་ཅན།། སྐུ་མདོག་ནག་པོ་མུན་པའི་མདངས།། ཏྲི་ཤཱུ་ལ་ཡི་རྩེ་མོ་ལ།། མི་རོ་དམར་པོའི་རྒྱལ་མཚན་ཕྱར།། དར་ནག་རུ་མཚོན་ཆེན་པོ་ཡིས།། ལྷ
55a5 སྲིན་སྡེ་བརྒྱད་དམག་དཔུང་སྡུད།། མགོན་པོ་ནག་པོ་ལས་ལ་བྷྱོ།། གསུང་གི་སྤྲུལ་པའི་ལས་མཁན་ནི།། མོན་པ་ནག་པོ་འཇིགས་པའི་སྐུ།། སྐུ་མདོག་དམར་ནག་འཇིགས་པ་ལ།། མ་ཧེའི་རྭ་དུང་ཆེན་པོ་ཡིས།། སྣང
55a6 སྲིད་ལྷ་འདྲེ་སྒྲ་ཡིས་འབོད། གཏུམ་ཆེན་ནག་པོ་ལས་ལ་བྷྱོ།། ཐུགས་ཀྱི་སྤྲུལ་པའི་ལས་མཁན་ནི།། ལྕགས་ཀྱི་མུན་པ་གསོད་བྱེད་དེ།། སྐུ་མདོག་སྔོ་ནག་རྔམ་པའི་ཞལ།། ལག་ན་སྤུ་གྲི་ཙིཏྟ་བསྣམས།། སྤུ་གྲིའི་དགྲ
iiif viewer powered by OpenSeadragon
