| e-texts navigator |
| Wylie |
52b1 པོས་གཟིར་བསྐྲད་ནས།། གཞལ་མེད་ཁང་དག་བསམ་དབུས་སུ།། བླ་མ་ཡི་དམ་དཀྱིལ་འཁོར་ཚོགས།། བསོད་ནམས་ཚོགས་རྫོགས་སྟོང་ཉིད་ལས།། ཧཱུཾ་ལས་བདག་ཉིད་ཁྲོ་བོའི་མདུན།། མ་ཧཱ་ཀཱ་ལ་འཇིགས་བྱེད
52b2 ཆེ།། སྐུ་མདོག་ནག་པོ་མུན་པའི་མདངས། ཞལ་གཅིག་ཕྱག་ནི་གཉིས་པ་སྟེ། སྐུ་ལ་མཐའ་བེར་བརྩེགས་པ་གསོལ།། ཆིབས་སུ་དཔའ་བོ་སྟག་ལ་བཅིབས།། ཕྱག་ན་ཙནྡན་བིང་ཆེན་བསྣམས།། དོམ་དང་དྲེད་ཀྱིས་སྨྲ
52b3 འདྲེན་ཅིང་།། ལྕགས་ཀྱི་བྱ་ཁྲ་ཕྱི་ནས་འབྲངས།། ཅེ་སྤྱང་ནག་པོ་ཁྲག་རྗེས་གཅོད།། སྲོག་གཅོད་ཁྲོ་བོ་འཇིགས་པའི་སྐུ།། སྤུ་གྲི་མི་སྙིང་ཐོགས་པ་དང་། ཏྲི་ཤཱུལ་རྒྱལ་མཚན་དུང་འབུད་དང་།། གསོད་བྱེད་མོས་པ
52b4 བདུན་དང་བཅས།། སྤྱན་དྲང་མཆོད་དང་བཟླས་བརྗོད་ཅིང་།། དེ་ཚེ་མཚན་རྟགས་བྱུང་བ་དང་།། སྒྲ་དང་འོད་དང་མོན་ནག་དང་། བནྡེ་ནག་པོ་སློབ་དཔོན་དང་། མི་ནག་ལ་སོགས་བྱུང་བ་དང་།། དངོས་སུ་སྐུ་ཡང
52b5 སྟོན་པར་འགྱུར།། དཔལ་མགོན་པོ་ནག་པོ་གསང་བ་སྙིང་གི་འཁོར་ལོ་ནག་པོའི་རྒྱུད་ལས། བསྙེན་ཅིང་བསྒྲུབ་པ་སྟེ་རྟོག་པ་གཉིས་པའོ།། །། དེ་ནས་རྡོ་རྗེ་གཏུམ་པོ་ཡིས།། བསད་པའི་སྦྱོར་བ་བཤད་པར
52b6 བྱ།། བམ་ཆེན་མོ་ཡི་ཐོད་པ་རུ།། ཚྭ་བ་གསུམ་དང་ལྕི་བ་དང་།། སྐྲ་དང་དྲི་མ་རྐང་རྗེས་དང་།། གྲོག་མཁར་ས་དང་དར་ཁྲག་གིས།། དབང་པོ་ཚང་བའི་འདྲ་འབག་བྱ།། གུ་གུལ་རྒྱ་ཚིལ་དུད་པས་བདུག། ཐོད་པ
iiif viewer powered by OpenSeadragon
