| e-texts navigator |
| Wylie |
52a1 ཕྱུག་སྟེ།། རྣལ་འབྱོར་ཀུན་གྱི་དགྲ་བླ་ཡིན།། རིག་འཛིན་ཀུན་གྱི་སྲོག་ཤིང་ཡིན།། གསང་བའི་ཡུམ་དང་སྤྲུལ་པར་བཅས།། རི་གསུམ་རྩེ་འདུས་དབེན་པའི་སར།། ནགས་ཚལ་རྩུབ་མོ་གཅན་གཟན།
52a2 འགྲིམས།། ཡིད་འོང་གནས་སུ་མཎྜལ་བཤམ།། གྲུ་གསུམ་མཐིང་ནག་ཟླ་གམ་བསྟན།། ཟླུམ་པོ་ཐོད་པ་བདུན་གྱིས་བསྐོར།། གྲུ་ཆད་སྒོ་བཞི་རྡོ་རྗེས་ནི།། དབུས་སུ་གྲུ་གསུམ་བསྣོལ་མ་ལ།། འབྲུབ་གནས་བཞི
52a3 དང་ལྡན་པར་བྱ།། གའུ་སྟེང་འོག་འཁོར་ལོའི་བར།། ཙིཏྟ་སྲོག་རྩ་དམིགས་པ་གཞུག། ཁ་སྤྲད་སྐྲ་ཤད་ཟག་པས་བཅིངས།། སྟེང་དུ་དགྲ་བཤོས་ནག་པོ་བཞག། ལུག་ནག་པགས་པ་ཙ་ཀ་ལི།། མདའ་ནག་དར་གྱིས
52a4 བརྒྱན་པ་དགོད།། ཕོ་རྫས་དུག་དང་མོ་རྫས་ཁྲག། ཚོགས་པོའི་དགྲ་བའི་ཐུན་ཡང་བཅའ།། མོན་མོ་ཆེན་པོའི་ཐོད་པ་རུ།། གནག་པའི་དགྲ་བགེགས་བཅས་ལ་བཞག། ཟླུམ་པོའི་ཐོད་པ་རེ་རེ་ལ།། དུག་ཤིང་ཕུར་བུ
52a5 རེ་རེ་དགོད།། གྲུ་ཆད་ལ་སོགས་མཎྜལ་ཏེ།། མཐུན་པའི་དམ་རྫས་འདི་དག་དགྲམ།། ཤ་སྣ་ལྔ་དང་བདུད་རྩི་ལྔ།། དཀར་གསུམ་མངར་གསུམ་མེ་ཏོག་སྤོས།། ཆང་དང་ལ་ཕུག་ཙནྡན་རྣམས།། ཞལ་ཟས་རྣམ་པ་སྔ
52a6 ཚོགས་དགྲམ།། མཚན་ལྡན་ཐོད་པར་རཀྟ་དང་།། གཏོར་མ་བཤམས་ལ་དབུལ་བར་བྱ།། དེ་ནས་བདག་ཉིད་སྐད་ཅིག་གིས།། ཕྱག་ན་རྡོ་རྗེར་གསལ་བྱས་ནས།། ཐུགས་ཀའི་ས་བོན་འོད་འཕྲོས་པས།། ཁྲོ་བོ་མང
iiif viewer powered by OpenSeadragon
