| e-texts navigator |
| Wylie |
51b1 ཨོཾ་ཤྲཱི་མ་ཧཱ་ཀཱ་ལ་ཏྲི་ཡཾ་ཛཿཛཿ། དགྲ་བོ་མཱ་ར་ཡ་ནན། མཱ་ར་ཡ་སོད། ནག་པོ་དགྲ་བོའི་ཤ་རྒྱུད་སྙིང་འདི་ཐོན་ཐོན། བདུད་པོ་དགྲ་བོའི་སྲོག་ལ་ཛཿཛཿ། ནག་པོ་དགྲ་བོའི་བླ་རྩ་ལ་ཛཿཛཿ། ནག་པོ་དགྲ་བོའི་སྙིང་རྩ་ལ
51b2 ཛཿཛཿ། ནག་པོ་དགྲ་བོའི་ཀླད་པའི་རྩ་ལ་ཛཿཛཿ། ནག་པོ་དགྲ་བོའི་སྙིང་རྒྱུད་དབུགས་ལ་ཛཿཛཿ། ནག་པོ་དགྲ་བོའི་རྩ་རྒྱུད་སྲོག་ལ་ཛཿཛཿ། ཙ་དིཔྟ་ཙཀྲ་ནི་ཧཱཾ། མ་དཱིཔྟ་ཙཀྲ་ནི་ཧཱུཾ། བམ་ནི་ར་ཧཱུཾ་བྷྱོ། མ་མ་ཚོ་ལས་ལ
51b3 གྲོ།། ཧ་ལ་ཧ་ལ་ཧཱུཾ་ཕཊ། ཅེས་རྒྱན་གྱི་དམོད་པར་ཕུལ་ལོ།། མགོན་པོ་གསང་བ་སྙིང་གི་འཁོར་ལོ་ནག་པོའི་རྒྱུད་ལས། གླེང་གཞི་དང་སྔགས་སྟོན་པའི་ལེའུ་སྟེ་དང་པའོ།། །། དེ་ནས་དཔལ་མགོན་པོ་ཆེན་པོ
51b4 རྣམ་ཐོས་སྲས་ཀྱིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ།། མ་ཧཱ་ཀཱ་ལ་ཁྲོས་པ་ཞེས།། ཀཱ་ལ་འོད་འབར་དྲག་ཤུལ་ཅན།། འཇིགས་བྱེད་ཁྲོས་པའི་གཟིགས་མདངས་ཅན།། སྒྲོལ་བྱེད་ཤན་པ་རླུང་གི།
51b5 ཤུགས།། རྣམ་པར་ཀུན་གྱི་མགོན་གྱུར་པའི།། བསྙེན་ཅིང་བསྒྲུབ་ན་ཇི་ལྟར་སྒྲུབ།། བསད་ཅིང་ལུས་སྲོག་དབྱེ་བ་དང་།། ལྟས་ངན་ཆོ་འཕྲུལ་དབབ་པ་དང་།། དྲག་པོ་ཤུགས་ཀྱིས་བསྒྲལ་བ་དང་།། ལོ་རྟོག་འཇོམས
51b6 པ་ལ་སོགས་པ།། ལས་རིམ་རྫོགས་པ་ཇི་ལྟ་བུ།། ཞེས་གསོལ་པས། རྡོ་རྗེ་གཏུམ་པོས་འདི་སྐད་ཅེས་གསུངས་སོ།། མ་ཧཱ་ཀཱ་ལ་མཐུ་རྩལ་ཅན།། ལེགས་ལྡན་ནག་པོ་འཇིགས་པའི་སྐུ།། བདུད་འདུལ་རྣམས་ཀྱི་དབང
iiif viewer powered by OpenSeadragon
