| e-texts navigator |
| Wylie |
51a1 པ།། །། རྒྱལ་པོ་ཁྲི་སྲོང་ལྡེ་བཙན་གྱི་བླའི་ཕྱག་དཔེ་ལ་ཞལ་བཤུས་པ་ལས་བརྒྱུད་པའོ།། །།
51a2 རྒྱ་གར་སྐད་དུ། ཤྲཱི་མ་ཧཱ་ཀཱ་ལ་ནཱ་ཐ་གྷཱ་ཡ་ཙིཏྟ་ཙཀྲ་སིདྡྷི་མ་ཧཱ་ཧི་ཏ་ཏནྟྲ། བོད་སྐད་དུ། དཔལ་མགོན་པོ་ནག་པོ་གསང་བ་སྙིང་གི་འཁོར་ལོ་དངོས་གྲུབ་ཆེན་པོ་འབྱུང་བའི་རྒྱུད། བཅོམ་ལྡན་འདས་རྡོ་རྗེ
51a3 གཏུམ་པོ་གཟི་བྱིན་ཅན་ལ་ཕྱག་འཚལ་ལོ།། འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་རྡོ་རྗེ་གཏུམ་པོ་རྔམས་པའི་རྒྱལ་པོ་ཉིད། ལྕང་ལོ་ཅན་གྱི་གནས་མཆོག་ལྷུན་གྱིས་གྲུབ་པའི་ཕོ་བྲང་ཆེན
51a4 པོ། བྱང་ཆུབ་སེམས་དཔའ་དུ་མ་དང་བཅས་པ་ཁྲོ་བོ་རྔམ་པའི་རོལ་པ་དང་། འཇིག་རྟེན་གྱི་དྲེགས་པ་ཅན་ཕོ་མོ་དམོད་པའི་མཚོན་ཆ་ཅན་དང་། ལྷ་དང་མཁའ་འགྲོ་མ་མང་པོ་འདུས་པའི་དབུས་ན། ཆོས་ཉིད་ལས
51a5 སྐུ་བཞེངས་ཏེ། དྲེགས་པ་ཅན་འདུལ་བའི་ཏིང་ངེ་འཛིན་ལ་བཞུགས་ཏེ། དེའི་ཚེ་དེའི་དུས་ན། བཅོམ་ལྡན་འདས་དཔལ་མགོན་པོ་ནག་པོ་ཞེས་བྱ་བ། གསང་བའི་ཡུམ་དང་བཅས་པ། སྤྲུལ་པའི་སྲོག་གཤེད་དང་ཕོ
51a6 ཉའི་ལས་མཁན་དང་། སྒྲོལ་གིང་ཤན་པ་ཕོ་མོ་དང་བཅས་པ་དེ་ཉིད་དུ་ལྷགས་ཏེ་རང་རྟགས་སྲོག་གི་སྙིང་པོ། གདུག་པའི་དམོད་པའི་མཚོན་ཆ་ཅན། རྡོ་རྗེ་གཏུམ་པོ་ལ་མདོངས་གསོལ་དུ་ཕུལ་ལོ།། སྨྲས་པ། ཏདྱ་ཐཱ།
iiif viewer powered by OpenSeadragon
