| e-texts navigator |
| Wylie |
50b1 འདི།། མ་འོངས་པ་ཡི་དུས་དག་ཏུ། རབ་ཏུ་རྒྱས་པར་འགྱུར་ཞིག་ན།། བདག་ཅག་འཇིག་རྟེན་དྲེགས་པ་ཅན།། ཞི་བའི་སེམས་སུ་གནས་བྱས་པས།། རྗེས་སུ་སྤྱོད་པ་གང་ཡིན་པ།། དེ་ལ་རྒྱས་པ་ཕན་པར
50b2 བསྟན།། ཕྲིན་ལས་དང་ནི་ལྟ་སྤྱོད་ཀྱིས།། ཁྱབ་པ་དེ་ལས་ཡོངས་རྫོགས་ཤིང་།། གྲོགས་དང་བྲན་དང་དམངས་བཞིན་དུ།། གང་གིས་བསྒོ་བ་དེ་བཞིན་བགྱི།། དམ་ཚིག་བསྲུངས་པའི་ཡོན་ཏན་དང་།། རོལ་པའི་ཏིང
50b3 འཛིན་ལྡན་པ་ལ།། བཀའ་ལས་འདའ་བ་མི་སྤྱོད་ཅིང་།། གསུང་བཞིན་བསྒྲུབ་པ་རབ་ཏུ་སྤྲོ།། བཅོམ་ལྡན་རྡོ་རྗེ་འཛིན་ཁྱོད་ཀྱིས།། ཇི་ལྟར་མངགས་པའི་ལས་རྣམས་ནི།། བདག་ཅག་ནུས་པས་མྱུར་དུ་བསྒྲུབ།། བྱིན
50b4 གྱིས་བརླབ་པ་གཙོར་མཛོད་ཅིག། ཅེས་གསོལ་ནས་རང་རང་གི་གནས་སུ་དེངས་ཤིང་ཕྱིན་པར་གྱུར་ཏོ།། བཅོམ་ལྡན་འདས་ཀྱིས་འོད་ཟེར་གྱི་བཀོད་པ་རྣམས་རང་གི་འཁོར་གྱི་སྣང་བ་ཐམས་ཅད་ཀྱང་ཉིད་ཀྱི་སྐུའི
50b5 དབྱིངས་སུ་བསྡུས་ཤིང་སྐུ་ཉིད་ཀྱང་ཆོས་ཀྱི་སྐུའི་རང་བཞིན་དུ་གནས་པར་མཛད་དོ།། དྲག་སྔགས་འདུས་པ་རྩ་བའི་རྒྱུད་ལས་ཕྲིན་ལས་ཀྱི་གཉེར་ཕུལ་བའི་ལེའུ་སྟེ་བཅུ་གཅིག་པའོ།། །། དྲག་སྔགས་འདུས་པ
50b6 རྡོ་རྗེ་རྩ་བའི་རྒྱུད་ཅེས་བྱ་བ་རྫོགས་སོ།། །། རྒྱ་གར་གྱི་མཁན་པོ་ཆེན་པོ་སློབ་དཔོན་པདྨ་འབྱུང་གནས་དང་། བོད་ཀྱི་ལོ་ཙྪ་བ་བདག་བཻ་རོ་ཙ་ནས་བསྐུར་ཅིང་བཞུས་ཏེ་གཏན་ལ་ཕབ
iiif viewer powered by OpenSeadragon
