| e-texts navigator |
| Wylie |
49b1 རྩལ་ལྡན་པ་ལྷ་ཡི་སྡེ།། ནག་གདོན་འབེབས་པ་མ་མོའི་སྡེ།། ནམ་མཁའ་དབང་སྒྱུར་གཟའ་ཡི་སྡེ།། གླེན་ལྐུགས་གདུག་པ་ཀླུ་ཡི་སྡེ།། སྡེ་བརྒྱད་དམོད་པའི་དྲག་སྔགས་ཅན།། མཐུ་དང་རྫུ་འཕྲུལ་བསམ་མི
49b2 ཁྱབ།། འཁོར་དང་སྡེ་རིགས་བརྗོད་མི་ལང་།། ཕྲིན་ལས་ལོངས་སྤྱོད་མི་ཟད་གཏེར།། ཡོན་ཏན་ནུས་པ་དཔག་ཏུ་མེད།། ཞེ་སྡང་ཅན་ལ་ཁྲོས་པར་སྟོན།། ང་རྒྱལ་ཅན་ལ་ལྷག་པར་སྟོན།། འདོད་ཆགས་ཅན་ལ་མི
49b3 སྡུག་སྟོན།། གཏི་མུག་ཅན་ལ་མྱོས་པར་སྟོན།། སེར་སྣ་ཅན་གྱིས་འཕྲོག་པར་བྱེད།། ཕྲག་དོག་ཅན་ལ་འཇིགས་པར་སྟོན།། ཁྱོད་ཀྱི་མི་འདུལ་གཅིག་མེད་ཀྱིས།། མཆོད་ཅིང་བསྐང་བའི་ཐུན་རྫས་བཞེས།། བཅོལ
49b4 ཅིང་གཉེར་བའི་ལས་མཛོད་ཅིག། བསྟོད་ཅིང་བསྒྲུབ་པས་ལས་མཛོད་དགྱེས་པར་མཛོད།། དེ་ནས་རང་གི་སྙིང་པོ་དང་།། འཇིག་རྟེན་དྲེགས་པའི་བདག་པོ་རྣམས།། སོ་སོའི་སྔགས་ཀྱི་ལས་ལ་སྦྱར།། རྡོ་རྗེ་འཛིན་པ
49b5 ཆེན་པོ་ཡིས།། བྱང་ཆུབ་སེམས་ཀྱིས་བསམ་པ་ཡིས།། ལྟོས་དང་རེ་བ་ཀུན་སྤངས་ཏེ།། སངས་རྒྱས་བསྟན་པ་རབ་དམིགས་ནས།། དྲག་སྔགས་བདག་པོ་ཉེར་བསྒྲུབས་ན།། ང་དང་སངས་རྒྱས་ཐམས་ཅད
49b6 མཉེས།། རིག་པ་འཛིན་པའི་ས་ཐོབ་ཅིང་།། སེམས་ཅན་རྣམས་ཀྱི་སྟོན་པར་འགྱུར།། ཐུན་མོང་བ་དང་ཉེ་བ་དང་།། མཆོག་འགྱུར་རིང་བའི་དངོས་གྲུབ་ཀུན།། དཔའ་བོ་དེ་ལས་མངོན་དུ་འབྱུང་།། ཡོན་ཏན
iiif viewer powered by OpenSeadragon
